മലയാളം: ഭൂതത്താൻ‌കെട്ട് അണക്കെട്ട്, എറുണാകുളം ജില്ലയിൽ പെരിയാറിന് കുറുകെ, കോതമംഗലം - തട്ടേക്കാട് വഴിയിൽ കീരംപാറ കവലയിൽ നിന്ന് (ഇടത്തോട്ട്) ഇടമലയാർ വഴിയിൽ 3 കി.മി അകലെയാണ് ഭൂതത്താൻകെട്ട് അണക്കെട്ട് സ്ഥിതി ചെയ്യുന്നത്. ഭൂതത്താൻ കെട്ട് അണക്കെട്ടിൽ തടഞ്ഞുനിർത്തിയിരിക്കുന്ന വെള്ളമാണ് തട്ടേക്കാട് പ്രദേശത്ത് കാണുന്നത്...

പെരിയാർ നദിതട ജനസേചനപദ്ധതി എന്ന പേരിൽ 1957 ൽ ഭൂതത്താൻകെട്ട് അണക്കെട്ട് പണി തുടങ്ങി... 1964 ൽ കമീഷൻ ചെയ്തു... അണക്കെട്ടിന്റെ രൂപ കല്പനയും നിർമ്മാണവും നടത്തിയത് സംസ്ഥാനസർക്കാരിന്റെ കീഴിലുള്ള P.W.D ആണ്...

ഐതീഹ്യം... ഇപ്പോഴുള്ള അണക്കെട്ടിന് തൊട്ടടുത്തായി "ഭൂതത്താന്മാർ" വലിയ കല്ലുകൾ കൊണ്ടുവന്ന് അണ കെട്ടിയെന്നുള്ള ഐതീഹ്യം നിലവിലുണ്ട്... അതുകൊണ്ടാണ് ഈ പ്രദേശത്തെ ഭൂതത്താൻകെട്ട് എന്ന പേര് വന്നതെന്നും പറയുന്നു... രണ്ട് പാറകെട്ടുകൾക്ക് നടുവിലായി കുറെ വലിയ കല്ലുകൾ കൂട്ടിയിട്ടിരിക്കുന്ന കുറെ ഭാഗങ്ങളിവിടെ കാണാവുന്നതാണ്... റോഡിന് കുറുകെയുള്ള കവാടത്തിലും പാർക്കിലും മറ്റും ഐതീഹ്യത്തിനനുസരിച്ച് ഭൂതത്താൻന്മാർ കല്ല് ചുമക്കുന്ന ചിത്രങ്ങളും പ്രതിമകളും സ്ഥാപിച്ചിട്ടുണ്ട്...