പ്രംബനൻ
ഇന്തോനേഷ്യയിലെ മദ്ധ്യ-ജാവയിൽ സ്ഥിതിചെയ്യുന്ന, 9-ആം നൂറ്റാണ്ടിൽ നിർമിച്ച ഒരു ഹൈന്ദവ ക്ഷേത്ര സമുച്ചയമാണ് പ്രംബനൻ. ഹൈന്ദവ വിശ്വാസ പ്രകാരം ത്രിമൂർത്തികളായ ബ്രഹ്മദേവൻ, വിഷ്ണു, ശിവൻ എന്നിവരാണ് ഇവിടത്തെ പ്രധാന പ്രതിഷ്ഠ. ഇന്തോനേഷ്യൻ നഗരമായ യോഗ്യകാർത്തയിൽനിന്നും ഏകദേശം 11 കിലോമീറ്റർ വടക്ക് കിഴക്കായാണ് ഈ ക്ഷേത്രം സ്ഥിതിചെയ്യുന്നത്.[2]
![]() | |
യുനെസ്കോ ലോക പൈതൃക സ്ഥാനം | |
---|---|
സ്ഥാനം | ഇന്തോനേഷ്യ ![]() |
മാനദണ്ഡം | i, iv[1] |
അവലംബം | 642 |
നിർദ്ദേശാങ്കം | 7°45′8″S 110°29′30″E / 7.75222°S 110.49167°E |
രേഖപ്പെടുത്തിയത് | 1991 (15th വിഭാഗം) |
വെബ്സൈറ്റ് | www |
ഇന്തോനേഷ്യയിലെ ഏറ്റവും വലിയ ക്ഷേത്രമാണ് പ്രംബനൻ. ഈ ക്ഷേത്രസമുച്ചയത്തിന് യുനെസ്കോയുടെ ലോക പൈതൃക പട്ടികയിൽ സ്ഥാനം ലഭിച്ചിട്ടുണ്ട്. ഇന്തോനേഷ്യൻ വാസ്തുവിദ്യയിൽ തീർത്ത ഒരു മഹാ നിർമ്മിതിയാണ് പ്രംബനൻ. ഇതിൽ ഏറ്റവും വലിയ ക്ഷേത്രഗോപുരത്തിന് 47 മീറ്റർ(ഏകദേശം ഒരു 15നില കെട്ടിടത്തിന്റെ ഉയരം) ഉയരമുണ്ട്.[3] ലോകത്തിന്റെ വിവിധ കോണുകളിൽ നിന്നുള്ള സഞ്ചാരികൾ ഈ ക്ഷേത്രം സന്ദർശിക്കുന്നുണ്ട്.[4]
ക്ഷേത്ര സമുച്ചയം
- This information does not take account of damage caused by the 2006 Yogyakarta earthquake
![](http://upload.wikimedia.org/wikipedia/commons/thumb/3/39/Prambanan_Architectural_Model.jpg/220px-Prambanan_Architectural_Model.jpg)
യഥാർത്ഥത്തിൽ 240 ക്ഷേത്രങ്ങളാണ് പ്രംബനൻ ക്ഷേത്ര സമുച്ചയത്തിൽ ഉണ്ടായിരുന്നത്. ഈ ക്ഷേത്രസമുച്ചയത്തിലെ പ്രധാന ക്ഷേത്രങ്ങൾ ഇവയാണ്:
- 3 ത്രിമൂർത്തി ക്ഷേത്രങ്ങൾ: മൂന്ന് പ്രധാന ക്ഷേത്രങ്ങൾ: ശിവൻ, വിഷ്ണു, ബ്രഹ്മാവ് എന്നിവരുടെ ക്ഷേത്രങ്ങൾ
- 3 വാഹന ക്ഷേത്രങ്ങൾ: ത്രിമൂർത്തി ക്ഷേത്രങ്ങളുടെ മുന്നിൽ കാണപ്പെടുന്ന ഉപക്ഷേത്രങ്ങൾ. തിമൂർത്തികളുടെ വാഹനങ്ങളായ നന്ദി, ഗരുഡൻ, ഹംസം എന്നിവയാണ് ഈ ക്ഷേത്രങ്ങളിലെ പ്രതിഷ്ഠ.
- 2 അപിത് ക്ഷേത്രങ്ങൾ: ത്രിമൂർത്തി ക്ഷേത്രങ്ങളുടേയും, വാഹന ക്ഷേത്രങ്ങളുടേയും ഇടയിലായി സ്ഥിതി ചെയ്യുന്ന രണ്ട് ക്ഷേത്രങ്ങൾ. ഒന്ന് തെക്കുദിക്കിലും മറ്റൊന്ന് വടക്ക് ദിക്കിലും.
- 4 കെലിർ ക്ഷേത്രങ്ങൾ:പ്രധാന ക്ഷേത്രസമുച്ചയത്തിനകത്ത് നാലു ദിക്കുകളിലുമായി സ്ഥിതിച്ചെയ്യുന്ന നാല് ഉപക്ഷേത്രങ്ങൾ
- 4 പതൊക് ക്ഷേത്രങ്ങൾ: പ്രധാന ക്ഷേത്രസമുച്ചയത്തിനകത്ത് നാല് മൂലകളിലുമായി സ്ഥിതിച്ചെയ്യുന്ന നാല് ഉപക്ഷേത്രങ്ങൾ
- 224 പെർവാര ക്ഷേത്രങ്ങൾ:ഈ ക്ഷേത്രങ്ങളെ എല്ലാം വലയം ചെയ്തുകൊണ്ട് നിർമിച്ചിരിക്കുന്ന അനേകം ഉപക്ഷേത്രങ്ങൾ. ചതുരാകൃതിയിലുള്ള നാല് നിരകളിലായി ഇവ ക്രമപ്പെടുത്തിയിരിക്കുന്നു.
ചിത്രശാല
കൊത്തുപണികൾ
- Relief at Prambanan temple compound
- ശിവക്ഷേത്രത്തിലെ ഒരു ശില്പം
- ശ്രീ രാമൻ
- ദേവതയും അപ്സരസ്സുകളും
- ബലരാമൻ
- ശ്രീകൃഷ്ണന്റെ കംസനിഗ്രഹം.
- കൊത്തുപണി
നിർമ്മിതികൾ
- പ്രധാന ശിവക്ഷേത്രം
- വിഷ്ണു ക്ഷേത്രം
- നന്ദി ക്ഷേത്രം
- ബ്രഹ്മാവ്
- വിഷ്ണു
- ഗണപതി
അവലംബം
7°45′8″S 110°29′30″E / 7.75222°S 110.49167°E
$