പോർട്രെയിറ്റ് ഓഫ് എ ലേഡി (വാൻ ഡെർ വീഡൻ)
1460-ൽ നെതർലാൻഡിഷ് ചിത്രകാരനായ റോജിയർ വാൻ ഡെർ വീഡൻ ചിത്രീകരിച്ച ഒരു ഓക്ക് പാനൽ എണ്ണച്ചായചിത്രമാണ് പോർട്രെയിറ്റ് ഓഫ് എ ലേഡി. (or Portrait of a Woman) സ്ത്രീയുടെ മൂടുപടം, നെക്ക്ലൈൻ, മുഖം, കൈകൾ എന്നിവയുടെ വരകളും മുഖത്തെയും ശിരോവസ്ത്രത്തെയും പ്രകാശിപ്പിക്കുന്ന പ്രകാശത്തിന്റെ പതനത്തിലൂടെയുള്ള ജ്യാമിതീയ രൂപങ്ങളിൽ നിന്നാണ് ഈ രചന നിർമ്മിച്ചിരിക്കുന്നത്. ഇരുട്ടിന്റെയും വെളിച്ചത്തിന്റെയും വ്യക്തമായ വൈരുദ്ധ്യങ്ങൾ മിക്കവാറും അസ്വാഭാവികമായ സൗന്ദര്യവും മാതൃകയുടെ ഗോതിക് ചാരുതയും വർദ്ധിപ്പിക്കുന്നു.
![see text](http://upload.wikimedia.org/wikipedia/commons/thumb/6/65/Rogier_van_der_Weyden_-_Portrait_of_a_Lady_-_Google_Art_Project.jpg/290px-Rogier_van_der_Weyden_-_Portrait_of_a_Lady_-_Google_Art_Project.jpg)
വാൻ ഡെർ വീഡൻ തന്റെ ജീവിതാവസാനം നിയുക്ത ഛായാചിത്രത്തിൽ മുഴുകിയിരുന്നു. [1] പിൽക്കാല തലമുറയിലെ ചിത്രകാരന്മാർ അദ്ദേഹത്തിന്റെ ചിത്രരീതിയെ വളരെയധികം ബഹുമാനിച്ചിരുന്നു. ഈ ചിത്രത്തിൽ, സ്ത്രീയുടെ വിനയവും കരുതിവച്ച പെരുമാറ്റവും അവരുടെ ദുർബലമായ ശരീരത്തിലൂടെയും താഴ്ന്ന കണ്ണുകളിലൂടെയും മുറുകെ പിടിച്ച വിരലുകളിലൂടെയും ചിത്രീകരിക്കുന്നു. [2] ഗോതിക് സമ്പൂർണ്ണമാതൃകയനുസരിച്ച് മെലിഞ്ഞ ശരീരപ്രകൃതത്തോടെ അവരുടെ ഇടുങ്ങിയ തോളുകൾ, ഇറുകിയ പിൻ മുടി, ഉയർന്ന നെറ്റി, ശിരോവസ്ത്രം, സജ്ജമാക്കിയ വിശാലമായ ഫ്രെയിം എന്നിവയാൽ ചിത്രീകരിക്കപ്പെട്ടിരിക്കുന്നു. വാൻ ഡെർ വീഡൻ ഓട്ടോഗ്രാഫ് സൃഷ്ടിയായി സ്വീകരിച്ച ഒരു സ്ത്രീയുടെ ഛായാചിത്രമാണിത്. [1] എന്നിട്ടും മാതൃകയുടെ പേര് രേഖപ്പെടുത്തിയിട്ടില്ല. കൂടാതെ അദ്ദേഹം ചിത്രത്തിന് പേരും നൽകിയിട്ടില്ല.
ചിത്രശാല
- റോബർട്ട് കാമ്പിൻ (സി. 1375 - 1444), ഒരു യുവതിയുടെ ഛായാചിത്രം, 1430–1435, നാഷണൽ ഗാലറി, ലണ്ടൻ. പ്രായമായ മാസ്റ്ററുടെ സൃഷ്ടിയിൽ വാൻ ഡെർ വീഡന്റെ ശൈലി സ്ഥാപിക്കപ്പെട്ടു.[3]
- റോജിയർ വാൻ ഡെർ വീഡൻ, സെവൻ സാക്രമെന്റ്സ് അൾത്താർപീസ്, വിശദാംശം, 1445–1450, കൊനിങ്ക്ലിജ് മ്യൂസിയം വൂർ ഷോൺ കുൻസ്റ്റൺ, ആൻറ്വെർപ്. ഈ ചിത്രത്തിലെ മാതൃകയായ സ്ത്രീ ഔപചാരികവും സമകാലീന ഫാഷനിൽ വസ്ത്രം ധരിച്ചിരിക്കുന്നതും വി ആകൃതിയിലുള്ള കഴുത്തിലെ വരകൾ എന്നിവ ഉയർന്ന റാങ്കിലുള്ള സ്ത്രീകളെ കാണിക്കുന്നു.
- 1460 ന് ശേഷം ബെർലിൻ സ്റ്റേറ്റ് മ്യൂസിയത്തിൽ പെട്രസ് ക്രിസ്റ്റസിന്റെ ഒരു യുവതിയുടെ ചിത്രം. ശിൽപമാക്കിയ സവിശേഷതകളിലും മോഡലിന്റെ ആവിഷ്കാരത്തിലും സമാനത കാണാം.[4]
- ഹാൻസ് മെംലിംഗ്, പ്രായമായ സ്ത്രീയുടെ ഛായാചിത്രം സി. 1470. മ്യൂസിയം ഓഫ് ഫൈൻ ആർട്സ്, ഹ്യൂസ്റ്റൺ, ടെക്സസ്. വാൻ ഡെർ വീഡന്റെ അനുയായിയായിരുന്നു മെംലിംഗ്, സ്വാഭാവികപ്രാതിനിധ്യത്തെ വളച്ചൊടിച്ച് സൗന്ദര്യത്തിന്റെ ആശയങ്ങൾ ചിത്രീകരിക്കാൻ ഉപയോഗിച്ചു.[5]
- ഫ്ളോറൻടൈൻ ചിത്രകാരനും ഗണിതശാസ്ത്രജ്ഞനുമായ പൗലോ യുസെല്ലോയാണ് യംഗ് ലേഡി ഓഫ് ഫാഷൻ ചിത്രീകരിച്ചത്. 1460 കളുടെ ആരംഭത്തിൽ നെറ്റിയിൽ വിസ്താരം വർദ്ധിപ്പിക്കുന്നതിനായി യുവതി തന്റെ മുടിയിഴകൾ പറിച്ചെടുത്തു, അങ്ങനെ അവളുടെ നെറ്റിയിലെ ചാരുത, മുടിയുടെ പിൻഭാഗത്ത് ഒരു പോണിടെയിൽ ശൈലിയിൽ മുടി കെട്ടിയിരിക്കുന്നു. ഇറുകിയ തൊപ്പി അവളുടെ ചെവികളെ മൂടുന്നു. കന്യകാമറിയം ചെവിയിലൂടെ ഗർഭം ധരിച്ച അക്കാലത്തെ പ്രചാരത്തിലുള്ള വിശ്വാസം കാരണമാകാം ഇത്.[6]
ഇതും കാണുക
- 1400–1500 in fashion
അവലംബം
കുറിപ്പുകൾ
ഉറവിടങ്ങൾ
ഗ്രന്ഥസൂചിക
പുറത്തേക്കുള്ള കണ്ണികൾ
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Portrait of a Lady at the National Gallery of Art