നർഗിസ് ഫഖരി

നർഗിസ് ഫഖരി (Nargis Fakhri) ഒരു അമേരിക്കൻ മോഡലും പ്രമുഖ ബോളിവുഡ് സിനിമാ നടിയുമാണ്.^[2] ഫഖരി ഒരു മോഡലായി തൊഴിൽ ജീവിതം ആരംഭിച്ചു, തുടർന്ന് അമേരിക്കാസ് നെക്സ്റ്റ് ടോപ്പ് മോഡൽ (America's Next Top Model) എന്ന സിഡബ്ല്യൂ സിരീസിൽ മത്സരാർത്ഥിയായി പങ്കെടുത്തു.^[3] അവരുടെ ആദ്യ ചിത്രം 2011-ൽ പുറത്തിറങ്ങിയ റോക്ക്സ്റ്റാർ ആണ്. ഈ ചിത്രത്തിലെ അഭിനയത്തിന് മികച്ച നവാഗത നടിക്കുള്ള ഫിലിംഫെയർ പുരസ്കാര നാമനിർദ്ദേശം കരസ്ഥമാക്കിയിട്ടുണ്ട്. മദ്രാസ്‌ കഫെ (2013) എന്ന ചിത്രത്തിൽ യുദ്ധ റിപ്പോർട്ടറുടെ വേഷത്തിലുള്ള അഭിനയത്തിന് പ്രശംസ പിടിച്ചുപറ്റിയിട്ടുണ്ട്. പിന്നീട്, കോമഡി ചിത്രങ്ങളായ മേ തേരാ ഹീറോ (2014), സ്പൈ (2015), ഹൗസ്ഫുൾ 3 (2016) എന്നിവയിൽ അഭിനയിച്ചു. ഇതിൽ സ്പൈ ഒരു ഹോളിവുഡ് ചിത്രമാണ്.^[4][5]

നർഗിസ് ഫഖ്റി Nargis Fakhri
ജനനം	Nargis Muhammad Fakhri (1979-10-20) ഒക്ടോബർ 20, 1979  (44 വയസ്സ്) ന്യൂയോർക്ക് സിറ്റി, ന്യൂയോർക്ക്, അമേരിക്കൻ ഐക്യനാടുകൾ
ദേശീയത	അമേരിക്കൻ[1]
തൊഴിൽ	അഭിനേത്രി, മോഡൽ
വെബ്സൈറ്റ്	NargisFakhri.com