നെസ്തോറിയസ്

നെസ്തോറിയസ് 428 ഏപ്രിൽ 10 മുതൽ 431 ജൂൺ 22 വരെ കുസ്തന്തീനോപ്പൊലീസിലെ പാത്രിയാർക്കീസായിരുന്നു. (ക്രി.വ. 386- 451)(ഇംഗ്ലീഷ്: Nestorius, ഗ്രീക്ക്: Νεστόριος). റോമാ സാമ്രാജ്യത്തിന്റെ ഔദ്യോഗിക സഭയിൽ അംഗീകരിക്കപ്പെട്ട ക്രിസ്തുമതതത്വങ്ങൾക്ക് കടകവിരുദ്ധമായ വിശ്വാസങ്ങൾ രൂപീകരിച്ചു എന്ന് ആരോപിച്ചുകൊണ്ട് അദ്ദേഹം സ്ഥാനഭ്രഷ്ടനാക്കപ്പെടുകയും നാടുകടത്തപ്പെടുകയും ഉണ്ടായി. അലക്സാണ്ട്രിയയിലെ കൂറിലോസിന്റെ നേതൃത്വത്തിലൽ അലക്സാണ്ട്രിയൻ വേദശാസ്ത്രത്തിന്റെ വക്താക്കളുടെ രാഷ്ട്രീയ ഇടപെടലിൻെറ പരിണിത ഫലമായിരുന്നു അത്. വാസ്തവത്തിൽ ദിയോദോറസ്, ജോൺ ക്രിസോസ്റ്റം, തിയഡോർ എന്നിവർ വളർത്തിക്കൊണ്ടു വന്ന അന്ത്യോക്യൻ വേദശാസ്ത്രം പിന്തുടരുക മാത്രമാണ് അദ്ദേഹം ചെയ്തത് എന്ന് എന്ന് പിൽക്കാല പണ്ഡിതൻമാർ കണ്ടെത്തിയിട്ടുണ്ട്.^[1]