ദ സൺ ഓഫ് നെപ്റ്റ്യൂൺ

ദ ലോസ്റ്റ് ഹീറോ എന്ന ആദ്യത്തെ പുസ്തകം പുറത്തിറങ്ങിയ ശേഷം റിക്ക് റിയോർദനുമായി നടത്തിയ അഭിമുഖത്തിൽ ഈ പുസ്തകത്തിലെ പേഴ്സി ജാക്സന്റെ പ്രാധാന്യത്തെക്കുറിച്ച് പറഞ്ഞിരുന്നു. 2011 മേയ് 26ന് റിയോർദൻ, പുസ്തകത്തിന്റെ പുറംചട്ടയും പുസ്തകത്തിന്റെ ആദ്യ അധ്യായവും പ്രസിദ്ധീകരിച്ചു. ദ സൺ ഓഫ് നെപ്റ്റ്യൂണിൽ പേഴ്സി ഒരു കഥാപാത്രമായിരിക്കുമെന്നും അറിയിച്ചു. ^[5]

2011 ഓഗസ്റ്റ് 8ന്, റിക്ക് റിയോർദൻ, പുസ്തകത്തിന്റെ വിശദാംശങ്ങളും പ്രധാന കഥാപാത്രങ്ങളും അവയുടെ സവിശേഷതകളും പങ്കുവച്ചുകൊണ്ട് ഒരു വീഡിയോ പുറത്തിറക്കിയിരുന്നു. ഈ വീഡിയോയിൽ ഫ്രാങ്ക് സാങ്, ഒക്ടേവിയൻ തുടങ്ങിയ കഥാപാത്രങ്ങളുടെ ഏകദേശ രൂപവും റിയോർദൻ പങ്കുവച്ചിരുന്നു. ^[6][7]

• പേഴ്സി ജാക്സൺ: പൊസൈഡൺ (നെപ്റ്റ്യൂൺ) എന്ന ഗ്രീക്ക് ദേവന്റെ മകൻ. ക്യാമ്പ് ഹാഫ്-ബ്ലഡ് പരമ്പരയിലെ മുഖ്യകഥാപാത്രം.
• ഹേസൽ ലെവെസ്ക്യൂ: പ്ലൂട്ടോയുടെ മകൾ. 1942ൽ തന്റെ 13-ാം വയസ്സിൽ മരണത്തിൽ നിന്നും നിക്കോയുടെ സഹായത്താൽ ഉയിർത്തെഴുന്നേറ്റു.
• ഫ്രാങ്ക് സാങ്: റോമൻ യുദ്ധദേവതയുടെ മകൻ.‌

• റെയിന അവില റമിറേസ്-അറെല്ലനോ
• നിക്കോ ഡി എയ്ഞ്ചലോ

ഡിസ്‌നി-ഹിപ്പേരിയൻ ആണ് ദ സൺ ഓഫ് നെപ്റ്റ്യൂൺ ആദ്യമായി പ്രസിദ്ധീകരിച്ചത്.^[8] 3 മില്യൺ കോപ്പികളാണ് ആദ്യം അച്ചടിച്ചത്. ന്യൂയോർക്ക് ടൈംസിന്റെ ബെസ്റ്റ്സെല്ലർ പട്ടികയിൽ പുറത്തിറങ്ങി ദിവസങ്ങൾക്കുള്ളിൽ ഒന്നാം സ്താനത്തെത്തി. കൂടാതെ യു.എസ്.എ ടുഡെ ബെസ്റ്റ്സെല്ലർ പട്ടിക, വാൾ സ്ട്രീറ്റ് ജേണൽ ബെസ്റ്റ്സെല്ലർ പട്ടിക എന്നിവയിലും ഒന്നാം സ്ഥാനം കരസ്ഥമാക്കി. 2011 ഒക്ടോബറിലെ ആമസോൺ തിരഞ്ഞെടുത്ത മികച്ച പുസ്തകമായിരുന്നു ദ സൺ ഓഫ് നെപ്റ്റ്യൂൺ. ^[3][9]

പൊതുവെ അനുകൂലമായ പ്രതികരണങ്ങളാണ് പുസ്തകത്തിന് ലഭിച്ചത്. സീറ്റിൽ പോസ്റ്റ്-ഇന്റലിജൻസറിലെ ഡാന ഹെന്റേഴ്സൺ പുസ്തകത്തിൽ പുതിയതായി പരിചയപ്പെടുത്തിയ കഥാപാത്രങ്ങൾ വായനക്കാരെ വായിക്കാൻ പ്രേരിപ്പിക്കുന്നതാണെന്ന് അഭിപ്രായപ്പെട്ടു.^[10] ഡെസേർട്ട് ന്യൂസിലെ കിംബെർലി ബെന്ന്യൻ, പുസ്തകം "emotional roller coaster" ആണെന്നും എല്ലാ പ്രായത്തിലുള്ള വായനക്കാരെയും തൃപ്തിപ്പെടുത്തുന്നതാണെന്നും പറയുകയുണ്ടായി.^[11]ഹച്ചിൻസൺ ലീഡേറിന്റെ കേ ജോൺസൺ പുസ്തകത്തിന്റെ ആദ്യ പകുതി മികച്ചതല്ലെന്നും എങ്കിലും ഗ്രീക്ക് ഐതിഹ്യത്തെ പുതിയ തലമുറയ്ക്ക് പരിചയപ്പെടുത്തുന്നതിൽ റിക്ക് റ്യോർ‍ദാൻ വിജയിച്ചിട്ടുണ്ടെന്നും അഭിപ്രായപ്പെടുകയുണ്ടായി.^[12] കിർക്കസ് എന്ന വിമർശകനും പുസ്തകത്തെക്കുറിച്ച് അനുകൂലമായ അഭിപ്രായമാണ് പങ്കുവച്ചത്. ^[13]

ദ സൺ ഓഫ് നെപ്റ്റ്യൂണിന്റെ തുടർച്ചയായുള്ള ദ മാർക്ക് ഓഫ് അഥേന 2012 ഒക്ടോബർ 2ന് പ്രസിദ്ധീകരിക്കുകയുണ്ടായി. 2013 ഒക്ടോബർ 8ന് ദ ഹൗസ് ഓഫ് ഹെയ്ഡ്സ് എന്ന പുസ്തകവും പ്രസിദ്ധീകരിച്ചു.^[14] ഈ പുസ്തകങ്ങളുടെ തുടർച്ചയായുള്ള ദ ബ്ലഡ് ഓഫ് ഒളിമ്പസ് 2014 ഒക്ടോബർ 7നാണ് പുറത്തിറങ്ങിയത്.^[15]

• The Heroes of Olympus series site from publisher Disney (readriordan.com)
• Rick Riordan Myth Master at publisher Penguin Books (UK)
• Rick Riordan at the Internet Speculative Fiction Database