ദി ഡേ ഡ്രീം
പ്രീ-റാഫലൈറ്റ് ബ്രദർഹുഡ് സ്ഥാപക അംഗം ദാന്തെ ഗബ്രിയൽ റോസെറ്റി വരച്ച ഒരു എണ്ണച്ചായാചിത്രമാണ് ദി ഡേ ഡ്രീം. തുടക്കത്തിൽ മോന്ന പ്രിമാവേര എന്നു പേരിടാൻ ഉദ്ദേശിച്ചിരുന്നു. 1880 ൽ ഏറ്റെടുത്ത 158.7 സെന്റീമീറ്റർ (62.5 ഇഞ്ച്) ഉയരവും 92.7 സെന്റീമീറ്റർ (36.5 ഇഞ്ച്) വീതിയുമുള്ള ഈ ചിത്രത്തിൽ ഒരു സൈക്കാമോർ മരത്തിന്റെ കൊമ്പിൽ ഇരിക്കുന്ന ജെയ്ൻ മോറിസിനെ ചിത്രീകരിച്ചിരിക്കുന്നു. അവരുടെ കയ്യിൽ വിക്ടോറിയൻ കാലഘട്ടത്തിലെ പ്രണയത്തിന്റെ ഒരു അടയാളം ആയ ഹണിസക്കിളിന്റെ ഒരു ചെറിയ തണ്ട് ഉണ്ട്. ആ സമയത്ത് ചിത്രകാരൻ അവരുമായി മുഴുകിയ രഹസ്യ ബന്ധത്തിന്റെ സൂചനയായിരിക്കാം അത്. 1900-ൽ കോൺസ്റ്റന്റൈൻ അലക്സാണ്ടർ അയോണിഡെസ് ഈ കലാസൃഷ്‌ടി വിക്ടോറിയ ആന്റ് ആൽബർട്ട് മ്യൂസിയത്തിന് നൽകി.
| The Day Dream | |
|---|---|
 | |
| കലാകാരൻ | Dante Gabriel Rossetti |
| വർഷം | 1880 |
| Medium | oil on canvas |
| അളവുകൾ | 158.7 cm × 92.7 cm (62.5 in × 36.5 in) |
| സ്ഥാനം | Victoria and Albert Museum |
പശ്ചാത്തലം
1857-ൽ ഡ്രൂറി ലെയ്‌നിലെ തിയേറ്റർ റോയലിൽ വച്ച് കണ്ടുമുട്ടിയ തന്റെ രഹസ്യ കാമുകി മോറിസിന്റെ ചോക്ക് സ്കെച്ച് [1]1878-ൽ റോസെറ്റി പൂർത്തിയാക്കി. [2] പ്രോസെർപൈൻ ഉൾപ്പെടെ അദ്ദേഹത്തിന്റെ അറിയപ്പെടുന്ന നിരവധി ചിത്രങ്ങൾക്ക് അവർ മാതൃകയായിരുന്നു.[2] റോസെറ്റിയുടെ സ്റ്റുഡിയോയിലെ മാന്റിൽപീസിന് മുകളിൽ ഡ്രോയിംഗ് പ്രദർശിപ്പിച്ചു.[3] തുടക്കത്തിൽ ചിത്രത്തിനെ മോന്ന പ്രിമാവേര[4] അല്ലെങ്കിൽ വന്ന പ്രിമാവേര[5] എന്ന് വിളിക്കേണ്ടതായിരുന്നു. ഒരുപക്ഷേ റോസെറ്റിയെ ആകർഷിച്ച ഒരു വിവരണവും [6]അദ്ദേഹത്തിന്റെ ആദ്യകാല കലാസൃഷ്ടികളുടെ അടിസ്ഥാനവുമായ [7]ലാ വീറ്റ ന്യൂവയിൽ നിന്ന് പ്രചോദനം ഉൾക്കൊണ്ടിരിക്കാം.[5] റോസെറ്റി ഒരു കവിയും അദ്ദേഹത്തിന്റെ നിരവധി ചിത്രങ്ങളോടൊപ്പം സോണറ്റുകളും എഴുതിയിരുന്നു.[8] സോനെറ്റ്സ് ഫോർ പിക്ചേഴ്സ് എന്ന അദ്ദേഹത്തിന്റെ പരമ്പരയിലെ അവസാന രചന ഈ പെയിന്റിംഗുമായി ബന്ധപ്പെട്ടിരിക്കുന്നു.[9] സോനെറ്റ് ഇപ്രകാരമാണ്:[10]
The thronged boughs of the shadowy sycamore
Still bear young leaflets half the summer through;
From when the robin 'gainst the unhidden blue
Perched dark, till now, deep in the leafy core,
The embowered throstle's urgent wood-notes soar
Through summer silence. Still the leaves come new;
Yet never rosy-sheathed as those which drew
Their spiral tongues from spring-buds heretofore.
Within the branching shade of Reverie
Dreams even may spring till autumn; yet none be
Like woman's budding day-dream spirit-fann'd.
Lo! tow'rd deep skies, not deeper than her look,
She dreams; till now on her forgotten book
Drops the forgotten blossom from her hand.
റോസെറ്റിക്ക് തുടക്കത്തിൽ പെയിന്റിംഗിൽ പൂർണ സംതൃപ്തി ഉണ്ടായിരുന്നില്ല. കൂടാതെ അദ്ദേഹം അതിൽ നിരവധി പരിഷ്കാരങ്ങൾ വരുത്തി.[9]മറ്റൊരു സ്ത്രീയുടെ പാദങ്ങൾ ചിത്രത്തിലേക്ക് പകർത്തിയതിന് ക്ഷമ ചോദിച്ച് അദ്ദേഹം മോറിസിന് കത്തെഴുതി.[11]മോറിസിന്റെ മുമ്പത്തെ പെയിന്റിംഗ്, ദ സല്യൂട്ടേഷൻ ഓഫ് ബിയാട്രീസ്, അവസാന പതിപ്പിൽ സമാനമായ മറ്റൊരു മോഡലിന്റെ കൈകൾ ഉപയോഗിച്ചിരുന്നു.[7]
വിവരണം
ഒരു സൈക്കാമോർ മരത്തിന്റെ കൊമ്പിൽ ഇരിക്കുന്ന മോറിസിന്റെ കയ്യിൽ വിക്ടോറിയൻ കാലഘട്ടത്തിലെ പ്രണയത്തിന്റെ അടയാളം ആയ ഹണിസക്കിളിന്റെ ഒരു ചെറിയ തണ്ട് ഉണ്ട്. അത് ആ സമയത്ത് കലാകാരൻ അവളുമായി മുഴുകിയിരുന്ന രഹസ്യ ബന്ധത്തിന്റെ സൂചനയായിരിക്കാം.[12]ഈ സമയത്ത് അസാധാരണമായി റോസെറ്റിയുടെ ഈ ചിത്രം മോഡലിന്റെ മുഴുവൻ നീളത്തിലും ചിത്രീകരിച്ചിരിക്കുന്ന അദ്ദേഹത്തിന്റെ അവസാന ചിത്രങ്ങളിലൊന്നാണ്.[13] ചിത്രത്തിന്റെ താഴെ വലതുവശത്ത് "ഡി. റോസെറ്റി 1880" എന്ന് ഒപ്പിട്ടിരിക്കുന്നു.[3]
അവലംബങ്ങൾ
Citations
ഗ്രന്ഥസൂചിക
- Drew, Rodger (2007), The Stream's Secret: The Symbolism of Dante Gabriel Rossetti, Lutterworth, ISBN 978-0-7188-3057-1
- Feldman, Jessica R. (2009), Victorian Modernism: Pragmatism and the Varieties of Aesthetic Experience, Cambridge University Press, ISBN 978-0-521-12090-6
- Marillier, H. C. (1904), Dante Gabriel Rossetti (3rd ed.), George Bell
- Rosenblum, Dolores (1986), Christina Rossetti: The Poetry of Endurance, SIU Press, ISBN 978-0-8093-1269-6