തൊപ്പിഹനുമാൻ കുരങ്ങ്

• തലമുതൽ ശരീരനീളം = 55–70 സെന്റീമീറ്റർ.
• വാലിന്റെ നീളം = 75–90 സെന്റീമീറ്റർ.
• പ്രായപൂർത്തിയായ കുരങ്ങിന്റെ ഭാരം = 11–20 കിലോഗ്രാം.

ആണുങ്ങളാണ് പെണ്ണുങ്ങളേക്കാൾ വലുത്.^[3]

ശ്രീലങ്കയിൽ കാണുന്നവയുടെ പിൻഭാഗം ചാരനിറത്തിലും പ്രായമാകുന്തോറും കറുപ്പ് കൂടിവരുന്നതരത്തിലുമാണ്.

ഇതിന് രണ്ട് ഉപസ്പീഷിസുകൾ ഉണ്ട്, ശ്രീലങ്കയിലും തെക്കൻ പശ്ചിമഘട്ടത്തിലും Semnopithecus priam thersites യും ആന്ധ്രയിലും തമിഴ്‌നാട്ടിലും Semnopithecus priam priam യും.

ഇവയുടെ പരിണാമത്തെപ്പറ്റി രണ്ട് നിഗമനങ്ങളാണ് ഉള്ളത്. ഒന്നു പ്രകാരം Semnopithecus priam, Semnopithecus vetulus philbricki. എന്ന ഉപസ്പീഷിസിൽ നിന്നും ഉരുത്തിരിഞ്ഞുവന്നതാണ്.^[3]

ശ്രീലങ്കയിൽ ഇവ വരണ്ട പ്രദേശങ്ങളിലും മനുഷ്യൻ അധിവസിക്കുന്നിടത്തും എല്ലാം കാണപ്പെടുന്നുണ്ട്. പുരാണപ്രസിദ്ധമായ പൊളോണ്ണാരുവ, ഡാംബുള, അനുരാധപുര, സിഗിരിയ എന്നിവിടങ്ങളിലെല്ലാം ഇവയെ കാണം. ദ്വീപിന്റെ തെക്കുള്ള ഹമ്പൻടോട മുതലായ ഇടങ്ങളിലും ഇവയെ കണ്ടുവരുന്നുണ്ട് 

മിക്കവാറും പച്ചിലകൾ തിന്നുന്ന ഇവ സസ്യജന്യമായ എന്തും തിന്നാറുണ്ട്. പഴങ്ങളും വിത്തുകളും തിന്നാറുണ്ട്.^[4][5] 

മിക്കവാറും ജലാശയങ്ങളുടെ അടുത്തുകാണുന്ന ഇവ താമരവിത്തുകൾ തിന്നാറുണ്ട്.^[6]

പൊതുവേ നാണംകുണുങ്ങികളായ തൊപ്പിഹനുമാൻ കുരങ്ങുകൾ ചിലപ്പോഴേ മരങ്ങളിൽ വസിക്കാറുള്ളൂ. ഭീഷണിയൊന്നുമില്ലെങ്കിൽ ഉടൻതന്നെ താഴെയെത്തുന്ന സ്വഭാവമാണ്.

• കേരളത്തിലെ സസ്തനികൾ