തുറവൂർ ഗ്രാമപഞ്ചായത്ത് (എറണാകുളം ജില്ല)

വളരെ പുരാതനകാലം മുതൽക്കു തന്നെ ഇവിടെ ജനവാസം ഉണ്ടായിരുന്നു. എന്നാൽ കനത്ത പ്രകൃതിക്ഷോഭമോ , യുദ്ധമോ മറ്റു കെടുതികളോ കൊണ്ട് ഇവിടെ നിന്ന് ജനങ്ങൾ ഒഴിഞ്ഞുപോകുകയും , വളരെ ക്കാലം ഈ പ്രദേശം വനമേഖലയായി കിടന്നിരുന്നു. എന്നാൽ കാലെ പോകെ ഇവിടെ വീണ്ടും ജനങ്ങൾ താമസത്തിനായി തെരഞ്ഞെടുക്കുകയും ചെയ്തു. 930-ൽ ചീനംചിറയിൽ പുരാതന കൽപടവുകളും കൽക്കെട്ടുകളും കണ്ടെത്തുകയുണ്ടായി. അതുപോലെ നാടിന്റെ പലഭാഗങ്ങളിലും കണ്ടെത്തിയ മുനിയറകളും , മൺഭരണികളും , പുരാതനമായ കൂട്ടാല ദേവീക്ഷേത്രവും , തേവർക്ഷേത്രവുമായി ബന്ധപ്പെട്ട ആറാട്ടും ആറാട്ടുപുഴയും മറ്റും ഈ കണ്ടെത്തലുകൾക്ക് ആക്കം നൽകുന്നു.^[1]

തുറകളുടെ ഊര് എന്നതിൽ നിന്നുമാണ് ഈ സ്ഥലത്തിന് തുറവൂർ എന്ന പേരു ലഭിച്ചെതെന്ന് പറയപ്പെടുന്നു.^[1]

കൃഷി ആണ് പ്രധാന ജീവിതോപാധി. ആദ്യകാലങ്ങളിൽ ജന്മികളുടെയും , മൂതലാളിമാരുടെയും കയ്യിലിരുന്ന ഭൂമി ഭൂപരിഷ്കരണനിയമം വന്നതോടെ കുടിയാൻമാരുടെ കയ്യിലേക്കെത്തുകയായിരുന്നു. നെൽകൃഷിക്കു കൂടാതെ ഇഞ്ചിപ്പുല്ല് (പുൽതൈലം), മരച്ചീനി, റബ്ബർ, കുരുമുളക്, അടയ്ക്ക തുടങ്ങിയവയായിരുന്നു പ്രധാന വിളകൾ. ചാലക്കുടിയുടെ ഇടതുകരകനാൽ ഈ നാടിന്റെ കാർഷികപുരോഗതിയുടെ ആക്കം കൂട്ടി. പരമ്പരാഗത വ്യവസായങ്ങളായ പനമ്പുനെയ്ത്ത് , കുട്ടനെയ്ത്ത് എന്നിവ ഇപ്പോഴുംഇവിടെ ആളുകൾ ചെയ്തുപോരുന്നുണ്ട്.

• കുമരക്കുളം സുബ്രഹ്മണ്യസ്വാമിക്ഷേത്രം
• കുളപ്പുരക്കാവ് ഭഗവതീ ക്ഷേത്രം
• സെന്റ് അഗസ്റ്റിൻസ് പള്ളി
• സെന്റ് സെബാസ്റ്റ്യൻ പള്ളി
• കിടങ്ങൂർ മഹാവിഷ്ണുക്ഷേത്രം
• കിടങ്ങൂർ സുബ്രഹ്മണ്യക്ഷേത്രം
• ഇൻഫന്റ് ജീസസ് ചർച്ച്

• സെന്റ് അഗസ്റ്റിൻസ് യു.പി.സ്കൂൾ തുറവൂർ
• മാർ അഗസ്റ്റിൻ ഹയർ സെക്കന്ററി സ്കൂൾ തുറവൂർ
• ഇൻഫാന്റ് ജീസസ് എൽ പി സ്കൂൾ കിടങ്ങൂർ
• സെന്റ്‍ ജോസഫ്സ് ഹയർ സെക്കന്ററി സ്കൂൾ കിടങ്ങൂർ
• സെന്റ് മേരീസ് എൽ.പി.എസ് തുറവൂർ
• ഫാത്തിമമാത എൽ.പി.എസ്. ആനപ്പാറ
• ലിറ്റിൽ ഫ്ലവർ എൽ പി സ്ക്കൂൾ വാതക്കാട്
• ശ്രീ ഭദ്ര എൽ.പി.എസ് കിടങ്ങൂർ

കേന്ദ്ര സർക്കാർ ഈ പഞ്ചായത്തിനെ സമ്പൂർണ്ണ ശുചിത്വ ഗ്രാമമായി പ്രഖ്യാപിച്ചു. അതിനോടനുബന്ധിച്ച് നിർമ്മൽ പുരസ്കാരം നൽകുകയും ചെയ്തു. ^[2]

1. വാതക്കാട്
2. ആനപ്പാറ
3. തലക്കോട്ടുപറമ്പ്
4. യോർദ്ദാനപുരം
5. ശിവജിപുരം
6. പെരിങ്ങാംപറമ്പ്
7. കിടങ്ങൂർ
8. കിടങ്ങൂർ സൌത്ത്
9. കിടങ്ങൂർ വെസ്റ്റ്
10. കിടങ്ങൂർ നോർത്ത്
11. പഴോപ്പൊങ്ങ്
12. കിടങ്ങൂർ ഈസ്റ്റ്
13. തുറവൂർ വെസ്റ്റ്
14. തുറവൂർ ടൌൺ

Official Website Archived 2011-07-17 at the Wayback Machine.