കേറ്റ് ഡികാമില്ലൊ
പ്രശസ്തയായ അമേരിക്കൻ എഴുത്തുകാരിയാണ് കേറ്റ് ഡികാമില്ലൊ (Kate DiCamillo). പ്രധാനമായും മൃഗങ്ങളെ ആസ്പദമാക്കിയുള്ള ഇവരുടെ ബാലസാഹിത്യകൃതികൾ എല്ലാ പ്രായക്കാരുടേയും വായനയ്ക്ക് അനുയോജ്യമാണ്. രണ്ടുതവണ ന്യൂബെറി പുരസ്കാരം ലഭിച്ച ആറുപേരിൽ ഒരാളാണ് കേറ്റ് ഡികാമില്ലൊ. 2003 ൽ പ്രസിദ്ധീകരിച്ച The Tale of Despereaux , 2013ൽ പ്രസിദ്ധീകരിച്ച Flora and Ulysses എന്നീ നോവലുകളാണ് ന്യൂബെറി പുരസ്കാരങ്ങൾ ഇവർക്ക് നേടിക്കൊടുത്തത്. ചെറിയകുട്ടികൾക്കുവേണ്ടി ഇവർ രചിച്ച മേഴ്സി വാൾട്ടൺ പുസ്തകപരമ്പര വളരെ പ്രസിദ്ധമാണ്. 2014, 2015 കാലയളവിൽ കേറ്റ് ഡികാമില്ലൊയെ ലൈബ്രറി ഓഫ് കോൺഗ്രസ്സ് അമേരിക്കൻ ബാലസാഹിത്യത്തിന്റെ ദേശീയ അമ്പാസിഡറായി നിയമിച്ചിരുന്നു.[1][2][3]
Kate DiCamillo | |
|---|---|
 DiCamillo at the 2014 National Book Festival | |
| ജനനം | Katrina Elizabeth DiCamillo മാർച്ച് 25, 1964 Philadelphia, Pennsylvania, US |
| തൊഴിൽ | Writer |
| ദേശീയത | American |
| Genre | Children's fiction |
| ശ്രദ്ധേയമായ രചന(കൾ) |
|
| അവാർഡുകൾ | Newbery Medal 2004, 2014 National Ambassador for Young People's Literature 2014–15 |
| വെബ്സൈറ്റ് | |
| katedicamillo | |
അംഗീകാരങ്ങൾ
അമേരിക്കൻ ബാലസാഹിത്യരംഗത്ത് സമഗ്രസംഭാവനകൾ നൽകിയ കേറ്റ് ഡികാമില്ലൊയ്ക്ക് 2004, 2014 എന്നീ വർഷങ്ങളിൽ ന്യൂബെറി പുരസ്കാരം ലഭിച്ചിട്ടുണ്ട്. മികച്ച ബാലസാഹിത്യകൃതിക്ക് നൽകുന്ന പുരസ്കാരമായ ജോസെറ്റെ ഫ്രാങ്ക് പുരസ്കാരം 2000ൽ കേറ്റ് ഡികാമില്ലൊ രചിച്ച ബികോസ് ഓഫ് വിൻ-ഡിക്സി എന്ന കൃതിക്കാണ് ലഭിച്ചത്.[4] 2006ൽ ബോസ്റ്റൺ ഗ്ലോബ് ഹോൺ ബുക്ക് പുരസ്കാരം കേറ്റ് ഡികാമില്ലൊ രചിച്ച മിറാകുലസ് ജേർണി ഓഫ് എഡ്വേർഡ് ടുലാനെ എന്ന ബാലസാഹിത്യകൃതിക്കാണ് ലഭിച്ചത്.[5] 2011 ൽ ബിങ്ക് ആന്റ് ഗൊല്ലീ എന്ന കൃതിയുടെ രചയിതാക്കളായ കേറ്റ് ഡികാമില്ലൊയ്ക്കും ആലിസൺ മക്ഗീയ്ക്കും, ചിത്രകാരനായ ടോണി ഫ്യൂസൈൽ എന്നിവർക്ക് അമേരിക്കൻ ലൈബ്രറി അസോസിയേഷൻ നൽകുന്ന തിയോഡോർ സിയസ് ഗീസെൽ മെഡൽ ലഭിച്ചിട്ടുണ്ട്.