കാവൽകോട്ടം

1310 മുതൽ 1910 വരെ 600 വർഷത്തെ മധുര നഗരത്തിന്റെ ചരിത്രമാണ് "കാവൽകോട്ട"ത്തിന്റെ പശ്ചാത്തലം. പടയോട്ടങ്ങളിലും അധികാരത്തിന്റെ പങ്കുവയ്ക്കലുകളിലും കാണാതെ പോയ കീഴാളരുടെ ജീവിതമാണ് ഈ നോവലിലൂടെ ആവിഷ്കൃതമാകുന്നത്. നായ്ക്കർ രാജവംശത്തിലെ എട്ടാമൻ തിരുമലൈ നായ്ക്കർ 1655ൽ അധികാരമേറ്റശേഷം നഗരപ്രാന്തത്തിലെ താതനൂർ ഗ്രാമവാസികൾക്കായിരുന്നു നഗരത്തിന്റെ കാവൽച്ചുമതല. 1850ൽ മദ്രാസ് പ്രസിഡൻസിക്ക് കീഴിലായതോടെ മധുരയിൽ പുതിയ പൊലീസിങ് സംവിധാനവും നീതിന്യായവ്യവസ്ഥയുമായി. ഇതോടെ പ്രാദേശിക പൊലീസായ താതനൂരിലെ പിരമലൈ കല്ലർ എന്ന ഗോത്രത്തെ ബ്രിട്ടീഷുകാർ കുറ്റവാളി ഗോത്രമായി മുദ്രകുത്തി; കൂട്ടത്തോടെ ജയിലിലിട്ടു. മോചിതരായവർക്ക് പിന്നെയും പീഡനം. രാത്രി പൊലീസ് സ്റ്റേഷനിൽ ഹാജരായി ഒപ്പുവയ്ക്കണം. പുലരുംവരെ അവിടെ കഴിയണം. ഇതാണ് നോവലിന്റെ ചരിത്ര പശ്ചാത്തലം.^[1]

പ്രാദേശിക ചരിത്രരചനാ സങ്കേതമാണ് ഈ നോവൽ രചനയ്ക്ക് സ്വീകരിച്ചിട്ടുള്ളത്. ഓറൽ ഹിസ്റ്ററിയിൽ ഊന്നി നടത്തിയ അന്വേഷണവും നാടോടി കലകളിലും പാട്ടുകളിലുമുള്ള ചരിത്രസന്ദർഭങ്ങൾ കണ്ടെത്തി, മിത്തുകൾ ആഴത്തിൽ പഠിച്ചും ഗ്രാമീണരുമായി നിരന്തരം സംസാരിച്ചുമാണ് നോവൽ രചന നടത്തിയത്.^[2]

കാവലാൾ - എൻ എസ് സജിത്^{[പ്രവർത്തിക്കാത്ത കണ്ണി]}