കലാഭവൻ ഷാജോൺ

കേരള പോലീസിലെ റിട്ട.എ.എസ്.ഐ ആയിരുന്ന ഇ.എസ്.ജോണിൻ്റെയും നഴ്സായി വിരമിച്ച റെജീനയുടേയും മകനായി 1977 നവംബർ 30-ന് കോട്ടയത്ത് ജനിച്ചു. മിമിക്രി കലാകാരനായിരുന്ന സഹോദരൻ ഷിബു ജോണിനോടൊപ്പം കോട്ടയത്തെ ചെറുകലാ സമിതികളിൽ മിമിക്രി ചെയ്ത് മിമിക്രി രംഗത്തേക്ക് എത്തിയ ഷാജോൺ കലാഭവനിൽ അംഗമായതോടെയാണ് കലാരംഗത്ത് സജീവമാകുന്നത്. ഇതോടെ ഷാജി ജോൺ എന്ന പേര് കലാഭവൻ ഷാജോൺ എന്നാക്കി മാറ്റി.

1998-ൽ കലാഭവൻ മണി നായകനായി അഭിനയിച്ച മൈ ഡിയർ കരടി എന്ന സിനിമയായിരുന്നു ആദ്യ ചിത്രം. പിന്നീട് നിരവധി ചെറുവേഷങ്ങളിൽ കോമഡി റോളുകൾ അഭിനയിച്ചു.

2012-ലെ മൈ ബോസ് എന്ന ചിത്രത്തിൽ നായകനായ ദിലീപിൻ്റെ കൂട്ടുകാരനായി ആദ്യാവസാനം വേഷമിട്ടു. സിനിമ ഹിറ്റായതോടെ വലിയ വേഷങ്ങൾ ഷാജോണിനെ തേടിയെത്തി.

2012-ലെ താപ്പാന എന്ന ചിത്രത്തിൽ മമ്മൂട്ടിക്കൊപ്പവും 2013-ൽ ലേഡീസ് & ജൻ്റിൽമെൻ എന്ന ചിത്രത്തിൽ മോഹൻലാലിനൊപ്പവും മുഴുനീള കോമഡി വേഷവും ചെയ്തു.

2013-ൽ മോഹൻലാൽ നായകനായി അഭിനയിച്ച ജിത്തു ജോസഫ് സംവിധാനം നിർവഹിച്ച ദൃശ്യം എന്ന സിനിമയാണ് ഷാജോണിൻ്റെ അഭിനയ ജീവിതത്തിൽ വഴിത്തിരിവായത്.പതിവ് കോമഡി വേഷങ്ങൾക്ക് പകരം ഗൗരവക്കാരനായ നെഗറ്റീവ് ടച്ചുള്ള ക്യാരക്ടർ വേഷമായ ദൃശ്യത്തിലെ കോൺസ്റ്റബിൾ സഹദേവന് 2013-ലെ കേരള സംസ്ഥാന ഫിലിം അവാർഡിലെ സ്പെഷ്യൽ ജൂറി പുരസ്കാരം ലഭിച്ചു.

2019-ൽ പ്രിഥിരാജ് സുകുമാരൻ നായകനായി അഭിനയിച്ച ബ്രദേഴ്സ് ഡേ എന്ന സിനിമ സംവിധാനം ചെയ്ത് മലയാള സിനിമ സംവിധായക രംഗത്തും ശ്രദ്ധേയനായി^{[2] [3][4][5][6]}

കഥ, തിരക്കഥ, സംഭാഷണം, സംവിധാനം കലാഭവൻ ഷാജോൺ

• ബ്രദേഴ്സ് ഡേ 2019

ആലപിച്ച ഗാനങ്ങൾ

• മായേ മായേ നീയെൻ...
• ഞങ്ങളുടെ വീട്ടിലെ അതിഥികൾ 2014

സ്വകാര്യ ജീവിതം

• ഭാര്യ : ഡിനി ജോൺ
• മക്കൾ : ഹന്ന, യോഹാൻ

• ലേഡീസ് & ജെന്റിൽമാൻ ചലച്ചിത്ര റിവ്യൂ
• കലാഭവൻ ഷാജോൺ MSI-ൽ
• ഇന്റർനെറ്റ് മൂവി ഡാറ്റാബേസിൽ നിന്ന് കലാഭവൻ ഷാജോൺ