കരച്ചിൽ

ഒരു ട്യൂബുലാർ അസിനാർ ഗ്രന്ഥിയാണ് കണ്ണുനീർഗ്രന്ഥി. ഓരോ കണ്ണിനും മുകളിൽ ലാക്രിമൽ ഫോസ എന്ന സ്ഥാനത്താണ് കണ്ണുനീർ ഗ്രന്ഥികൾ കാണപ്പെടുന്നത്. ഇവ ഉത്പാദിപ്പിക്കുന്ന കണ്ണുനീർ നേരിയ കുഴലുകളിലൂടെ ലാക്രിമൽ സഞ്ചിയിലെത്തുന്നു. കണ്ണിന്റെ മുൻഭാഗം മുഴുവൻ എപ്പോഴും കഴുകിത്തുടയ്ക്കാൻ കണ്ണുനീർ ഉപയോഗിക്കുന്നു. ഇതുവഴി കണ്ണുകളിലെത്താവുന്ന ചെറിയ പ്രാണികളേയും സൂക്ഷ്മജീവികളേയും തടയാൻ കഴിയുന്നു.അധികമായി കണ്ണിലെത്തുന്ന കണ്ണുനീർ നേസോലാക്രിമൽ കുഴൽ വഴി മൂക്കിനകത്തേയ്ക്ക് പ്രവേശിച്ച് പുറന്തള്ളപ്പെടുന്നു. കണ്ണിന്റെ മുൻഭാഗത്തെ പൊതിയുന്ന കണ്ണുനീരിന് മുന്നിൽ നിന്ന് പിന്നിലേയ്ക്ക് മൂന്നുപാളികളുണ്ട്. ^[1]

മീബോമിയൻ ഗ്രന്ഥികൾ അഥവാ ടാർസൽ ഗ്രന്ഥികൾ ഉത്പാദിപ്പിക്കുന്ന എണ്ണകളുണ്ടാക്കുന്ന പാളിയാണിത്. ഉള്ളിലെ അക്വസ് പാളിയെ പൊതിയുന്ന ഇവ കവിളിലേയ്ക്ക കണ്ണുനീർ പ്രവഹിപ്പിക്കാതെ നോക്കുന്നു.

ഇവയാണ് കണ്ണുനീർ ഗ്രന്ഥികൾ ഉത്പാദിപ്പിക്കുന്നത്. ജലാംശവും മാംസ്യങ്ങളായ ലിപ്പോകാലിൻ, ലാക്ടോഫെറിൻ, ലൈസോസൈം, ലാക്രിറ്റിൻ എന്നിവ ഇതിൽ കാണപ്പെടുന്നു. വൃതിവ്യാപന മർദ്ദം നിയന്ത്രിക്കുന്നതും രോഗാണുബാധയെ തടയുന്നതും ഇവയാണ്.

നേത്രാവരണത്തിലെ ഗോബ്ലറ്റ് കോശങ്ങളാണ് ഇവ ഉത്പാദിപ്പിക്കുന്നത്. കോർണിയയ്ക്കുചുറ്റും പൊതിഞ്ഞ് ഒരു ജലഭീതപാളിയായി ഇത് മാറുന്നു.

കണ്ണുനീർ ഗ്രന്ഥികൾ ഉത്പാദിപ്പിക്കുന്ന കണ്ണുനീരിനെ മൂന്നുവിഭാഗങ്ങളായി തിരിക്കാം.^[2]

ബേസൽ ടിയർ: *

കണ്ണുനീർ ഗ്രന്ഥികൾ സ്ഥിരമായി ഉത്പാദിപ്പിക്കുന്ന വിഭാഗമാണിത്. കണ്ണിനെ ഈർപ്പമുള്ളതാക്കി നിലനിർത്തുകയും ലൂബ്രിക്കന്റായി പ്രവർത്തിക്കുകയും സംരക്ഷിക്കുകയുമാണ് ഇതിന്റെ ധർമ്മം.

പൊടി, പുക, കാറ്റ്, ഉള്ളി അരിയൽ തുടങ്ങി പുറമേ നിന്നുള്ള അസ്വസ്ഥത ജനിപ്പിക്കുന്ന പ്രേരകങ്ങളാണ് ഈ വിഭാഗത്തിലുള്ള കണ്ണീരിനു കാരണമാവുന്നത്.