ഓപ്പൺ ഡാറ്റ

പകർപ്പവകാശം, പേറ്റന്റുകൾ തുടങ്ങിയ മറ്റ് നിയന്ത്രണ സംവിധാനങ്ങൾ എന്നിവയിൽ നിന്ന് നിയന്ത്രണങ്ങളില്ലാതെ ചില ഡാറ്റ എല്ലാവർക്കും അവരുടെ ഇഷ്ടാനുസരണം ഉപയോഗിക്കാനും പുനരുപയോഗം ചെയ്യാനും പ്രസിദ്ധീകരിക്കാനും ചെയ്യാനുള്ള ഒരു ആശയമാണ് ഓപ്പൺ ഡാറ്റ.^[1] ഓപ്പൺ സോഴ്‌സ് ഡാറ്റ പ്രസ്ഥാനത്തിന്റെ ലക്ഷ്യങ്ങൾ ഓപ്പൺ സോഴ്‌സ് സോഫ്റ്റ്‌വെയർ, ഹാർഡ്‌വെയർ, ഓപ്പൺ ഉള്ളടക്കം, ഓപ്പൺ എഡ്യൂക്കേഷൻ, ഓപ്പൺ എഡ്യൂക്കേഷൻ റിസോഴ്‌സസ്, ഓപ്പൺ ഗവൺമെന്റ്, ഓപ്പൺ നോളഡ്ജ്, ഗവേഷണലഭ്യത പോലുള്ള മറ്റ് "ഓപ്പൺ (സോഴ്‌സ്)" പ്രസ്ഥാനങ്ങൾക്ക് സമാനമാണ്. ഓപ്പൺ സയൻസ്, ഓപ്പൺ വെബ്. ഓപ്പൺ ഡാറ്റ പ്രസ്ഥാനത്തിന്റെ വളർച്ച പ്രത്യക്ഷത്തിൽ വിപരീതമായിത്തോന്നുന്ന സ്വത്തവകാശത്തിന്റെ വർദ്ധനവിന് സമാന്തരമാണ്.^[2] ഓപ്പൺ ഡാറ്റയുടെ പിന്നിലുള്ള തത്ത്വചിന്ത വളരെക്കാലമായി സ്ഥാപിക്കപ്പെട്ടിട്ടുണ്ട് (ഉദാഹരണത്തിന്: മെർട്ടോണിയൻ ശാസ്ത്ര പാരമ്പര്യത്തിൽ). എന്നാൽ "ഓപ്പൺ ഡാറ്റ" എന്ന പദം തന്നെ ഇന്റർനെറ്റും വേൾഡ് വൈഡ് വെബിന്റെയും ഉപയോഗം വർധിച്ചപ്പോളും, സർക്കാർ സംരംഭങ്ങളായ Data.gov, Data.gov.uk, Data.gov.in എന്നി വെബ്സൈറ്റുകളുടെ ആരംഭത്തോടെയാണ് ഇത്രയധികം ജനപ്രീതി നേടിയത്.