ഓഡെറ്റ് അന്നബിൾ
ഓഡെറ്റ് ജൂലിയറ്റ് അന്നബിൾ (മുമ്പ്, യസ്റ്റ്മാൻ; ജനനം: മെയ് 10, 1985)[1][2][3] ഒരു അമേരിക്കൻ അഭിനേത്രിയും മോഡലുമാണ്. ഫോക്സ് മെഡിക്കൽ നാടക പരമ്പരയായ ഹൌസിലെ ഡോ. ജെസീക്ക ആഡംസ്, ക്ലോവർഫീൽഡ് എന്ന ചിത്രത്തിലെ ബെത്ത് മക്കിന്റൈർ, ഒക്ടോബർ റോഡ് എന്ന എബിസി നാടക പരമ്പരയിലെ ഓബ്രി ഡയസ്, സൂപ്പർഗേൾ എന്ന പരമ്പരയിലെ സാമന്ത ഏരിയാസ് /റെയ്ൻ തുടങ്ങിയ ചലച്ചിത്രങ്ങളിലേയും ടെലിവിഷൻ പരമ്പരകളിലേയും വിവിധ വേഷങ്ങളിലൂടെയാണ് അവർ അറിയപ്പെടുന്നത്.
ഓഡെറ്റ് അന്നബിൾ | |
---|---|
![]() അന്നബിൾ 2017 ൽ | |
ജനനം | ഓഡെറ്റ് ജൂലിയറ്റ് യസ്റ്റ്മാൻ മേയ് 10, 1985 |
തൊഴിൽ | അഭിനേത്രി, മോഡൽ |
സജീവ കാലം | 1990–ഇതുവരെ |
ജീവിതപങ്കാളി(കൾ) | ഡേവ് അന്നബിൾ (m. 2010; sep. 2019) |
കുട്ടികൾ | 1 |
ആദ്യകാലജീവിതം
കാലിഫോർണിയയിലെ ലോസ് ഏഞ്ചൽസിൽ ഒരു കൊളംബിയൻ പിതാവിന്റേയും ക്യൂബൻ മാതാവിന്റേയും പുത്രിയായി ഓഡെറ്റ് ജൂലിയറ്റ് അന്നബിൾ ജനിച്ചു.[4][5] കാലിഫോർണിയയിലെ റിവർസൈഡിലുള്ള വുഡ്ക്രസ്റ്റ് ക്രിസ്ത്യൻ ഹൈസ്കൂളിൽ നിന്ന് അവർ ബിരുദം നേടി.[6]
ഔദ്യോഗികജീവിതം
അഞ്ചാം വയസ്സിൽ കിന്റർഗാർട്ടൻ കോപ്പ് എന്ന സിനിമയിൽ സ്പാനിഷ് സംസാരിക്കുന്ന വിദ്യാർത്ഥിനിയായി അന്നബിൾ അഭിനയിച്ചു. പിന്നീട് സൗത്ത് ബീച്ച്, ഒക്ടോബർ റോഡ് എന്നീ ടിവി പരമ്പരകളിൽ അഭിനയിച്ചു.[7] 2007 ലെ ലൈഫ് ടൈം ടെലിവിഷൻ സിനിമയായ റെക്ലെസ് ബിഹേവിയർ: കാച്ച് ഓൺ ടേപ്പ്, ക്ലോവർഫീൽഡ്[8] എന്നിവയിലും ഹാസ്യചിത്രമായ വാക്ക് ഹാർഡിലും[9] 2009 ൽ പുറത്തിറങ്ങിയ ദി അൺബോൺ[10] എന്ന ഹൊറർ സിനിമയിലും അഭിനയിച്ചു.
2011 ൽ ബ്രദേഴ്സ് & സിസ്റ്റേഴ്സ്[11] എന്ന പരമ്പരയുടെ അഞ്ചാം സീസണിൽ നഴ്സ് ആനി മില്ലറായി അഭിനയിച്ചു. ബ്രേക്കിംഗ് ഇൻ എന്ന കോമഡി പരമ്പരയുടെ ആദ്യ സീസണിൽ മെലാനി ഗാർസിയ എന്ന കഥാപാത്രത്തെ തുടർച്ചയായി അവതരിപ്പിച്ച അന്നബിൾ, അതിനുശേഷം ഈ പരമ്പരയിൽ അതിഥി താരമായി പ്രത്യക്ഷപ്പെട്ടു..[12][13] ഹൌസ് എന്ന ടെലിവിഷൻ പരമ്പരയിൽ ഡോ. ജെസീക്ക ആഡംസ്[14] എന്ന വേഷം അവതരിപ്പിച്ച അവർ 2012 മെയ് മാസത്തിൽ ഈ പരമ്പയുടെ അവസാനം തുടർന്നിരുന്നു.[15] 2014 മാർച്ചിൽ, ദി ആസ്ട്രോനോട്ട് വൈവ്സ് ക്ലബ് എന്ന എബിസി പരമ്പരയിൽ ട്രൂഡി കൂപ്പറായി അന്നബിൾ അഭിനയിച്ചു.[16]
സ്വകാര്യജീവിതം
2010 ഒക്ടോബറിൽ ആനബിൾ ബ്രദേഴ്സ് & സിസ്റ്റേഴ്സ് പരമ്പരയിലെ തന്റെ സഹനടൻ ഡേവ് ആനബിളിനെ വിവാഹം കഴിച്ചു.[17] 2015 സെപ്റ്റംബറിൽ അവർ ഒരു മകൾക്ക് ജന്മം നൽകി.[18] 2019 ഒക്ടോബറിൽ ദമ്പതികൾ തങ്ങളുടെ വേർപിരിയൽ പ്രഖ്യാപിച്ചു.[19]