എച്ച്.ആർ.എഫ്. കീറ്റിങ്

ഒരു ബ്രിട്ടീഷ് ഡിറ്റക്റ്റീവ് നോവലിസ്റ്റാണ് എച്ച്.ആർ.എഫ് കീറ്റിങ്. 1964-ൽ പുറത്തിറക്കിയ ദി പെർഫെക്റ്റ് മർഡർ എന്ന നോവലിലൂടെ കീറ്റിങ് അവതരിപ്പിച്ച കഥാപാത്രമായ ഇൻസ്‌പെക്ടർ ഘോട് കീറ്റിനെ പ്രശസ്തനാക്കി^[1] . ഡെയ്‌ലി ടെലിഗ്രാഫ് എന്ന പത്രസ്ഥാപനത്തിലെ പ്രവർത്തകനായിരുന്നു. ഇൻസ്‌പെക്ടർ ഘോട്ടിന്റെ പ്രശസ്തി മൂലം ഇതേ കഥാപാത്രത്തെ കേന്ദ്രമാക്കി ഇരുപതോളം നോവലുകൾ ഇദ്ദേഹം എഴുതി. നിരവധി പുരസ്‌കാരങ്ങൾ കീറ്റിന് ലഭിച്ചിട്ടുണ്ട്. 2011 മാർച്ച് 30 -ന് 84-ആം വയസ്സിൽ നിര്യാതനായി.