ഇപ്പോമിയ

കോൺവോൾവുലേസിയേ സസ്യകുടുംബത്തിലെ ഏറ്റവും വലിയ ജീനസ്സാണ് ഇപ്പോമിയ (Ipomoea). ഏകദേശം 500 ഓളം സ്പീഷിസുകളുള്ള ഈ സസ്യജീനസ്സിൽ ഏകവർഷികളും ബഹുവർഷികളും ഉൾപ്പെടുന്നു. ഉഷ്ണമേഖലകളിലും മിതോഷ്ണമേഖലകളിലും ഇവ വളരുന്ന ഈ ജീനസ്സിൽ ചെടികളും കുറ്റിച്ചെടികളും ചെറുമരങ്ങളും ഉൾപ്പെടുന്നു, മിക്കവയും പടർന്നു പിടിക്കുന്ന വള്ളികളാണ്. ആകാശമുല്ല, അടമ്പ്, വയറവള്ളി, പാൽമുതുക്ക്, കൃഷ്ണബീജം, തിരുതാളി, നിത്യവഴുതന, വയൽച്ചീര, മധുരക്കിഴങ്ങ് തുടങ്ങിയവ ഈ ജനുസിൽ ഉൾപ്പെടുന്നവയാണ്. ലെപിഡോപ്റ്റെറ, സ്ഫിങ്സ് നിശാശലഭങ്ങൾ, ഹമ്മിങ് ബേഡ് എന്നിവയെ ആകർഷിക്കാൻ മാത്രം നിറവും സുന്ദരവുമാണ് ഇവയുടെ പൂക്കൾ.

ഇപ്പോമിയ
ആകാശമുല്ല
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Eudicots
(unranked):	Asterids
Order:	Solanales
Family:	Convolvulaceae
Tribe:	Ipomoea
Genus:	Ipomoea L. 1753[1]
Species
More than 500, see text
Synonyms
Acmostemon Pilg. Batatas Choisy Bonanox Raf. Calonyction Choisy Calycantherum Klotzsch Diatremis Raf. Dimerodisus Gagnep. Exogonium Choisy Mina Cerv. Parasitipomoea Hayata Pharbitis Choisy Quamoclit Mill. Quamoclit Moench[1]

ഗ്രീക്കുഭാഷയിൽ "പുഴു", "കള" എന്നീ അർത്ഥങ്ങൾ വരുന്ന പദങ്ങളായ  ιπς (ips) or ιπος (ipos) ഉം "സാദൃശ്യം" എന്നർത്ഥം വരുന്ന όμοιος (homoios) എന്ന പദവും  കൂടിച്ചേർന്ന ലാറ്റിൻ രൂപമാണ് ഇപ്പോമിയ (Ipomoea) എന്ന പേര്.