ആർട്ടീസിയൻ കിണർ

കുഴൽക്കിണർ നിർമ്മിക്കാൻ ചില സവിശേഷ ഭൂസാഹചര്യങ്ങൾ വേണം. കിണർ ഉള്ള പാറയിടുക്ക് ചരിഞ്ഞ രീറ്റിയിലോ നതമധ്യ രൂപത്തിലോ ഉള്ളതായിരിക്കണം. ജലം കടന്നുപോകാൻ അനുവദിക്കാത്ത രണ്ടു പാറയിടുക്കുകൾക്കു മധ്യേ ജലം കടന്നു പോകുന്നതും ചില ഭാഗങ്ങൾ ഭൂതലത്തിൽ ദൃശ്യമാകുന്ന വിധത്തിലുള്ളതുമായ ഒരു പാറയിടുക്ക് ഉണ്ടായിരിക്കണം. ഈ സ്ഥിതിവിശേഷം ജലം ഊർന്നു പോകാൻ സഹായകമാകുന്നു. നിർമ്മിക്കപ്പെടുന്ന കിണറിന്റെ സ്ഥാനത്തെക്കാൾ ഉയരെയായിരിക്കണം ജലം കടത്തിവിടുന്ന ശിലാപടത്തിലെ ജലപീഠത്തിന്റെ നിരപ്പ്. വേണ്ടത്ര മഴ ലഭിക്കുന്നയിടമായിരിക്കുകയും വേണം മേല്പറഞ്ഞ ശിലാപടലം ഭൂതലത്തിൽ ദൃശ്യമായിരിക്കുന്ന പ്രദേശം.

ഓസ്ത്രേലിയ വൻകരയുടെ പൂർവ്വാർദ്ധത്തിലുള്ള ഗ്രേറ്റ് ആസ്ത്രേലിയൻ ബേസിൻ, തെക്കുകിഴക്കൻ ലോസ് ഏഞ്ചലസ് കൗണ്ടിയിലെ ഒരു നഗരമായ ആർട്ടിസിയ എന്നിവ ആർട്ടീസിയൻ കിണറുകൾക്ക് ഉദാഹരണങ്ങളാണ്. ഭാരതത്തിൽ ഗുജറാത്ത്, പോണ്ടിച്ചേരി, തമിഴ്നാട്ടിലെ ദക്ഷിണ ആർക്കാട്ട് ജില്ല എന്നിവിടങ്ങളിൽ കുഴൽക്കിണർ ഉണ്ട്.