ആർഗോ
1979ൽ ഇറാനിൽ അമേരിക്കൻ നയതന്ത്രപ്രതിനിധികളെ ബന്ദികളാക്കിയ സംഭവത്തെ ആസ്പദമാക്കി ബെൻ ആഫ്ലെക്ക് സംവിധാനം ചെയ്ത ഹോളിവുഡ് ത്രില്ലർ ചലച്ചിത്രമാണു ആർഗോ. അമേരിക്കൻ സി.ഐ.എ. ഓപ്പറേറ്റിവ് ആയിരുന്ന ടോണി മെൻഡിസിന്റെ ദ മാസ്റ്റർ ഓഫ് ഡിസ്ഗൈസ് എന്ന ഗ്രന്ഥത്തെയും, 2007-ൽ പുറത്തിറങ്ങിയ ജോഷ്വാ ബെർമാന്റെ ദ ഗ്രേറ്റ് എസ്കേപ്പ് എന്ന കനേഡിയൻ രക്ഷപ്പെടലിനെക്കുറിച്ചുള്ള ലേഖനത്തെയും ആസ്പദമാക്കിയാണു ഈ ചിത്രത്തിന്റെ തിരക്കഥ രചിച്ചിരിക്കുന്നത്[3]. 1979-ൽ ഇറാനിലെ ടെഹ്റാനിൽ ബന്ദികളാക്കിയ 6-അമേരിക്കൻ നയതന്ത്രപ്രതിനിധികളെ മെൻഡിന്റെ നേതൃത്വത്തിൽ രക്ഷപ്പെടുത്തുന്നതാണു ഈ ചിത്രത്തിന്റെ ഇതിവൃത്തം[4].
Argo | |
---|---|
![]() Theatrical release poster | |
സംവിധാനം | Ben Affleck |
നിർമ്മാണം | Ben Affleck George Clooney Grant Heslov |
തിരക്കഥ | Chris Terrio |
ആസ്പദമാക്കിയത് | The Master of Disguise by Antonio J. Mendez The Great Escape by Joshuah Bearman |
അഭിനേതാക്കൾ | Ben Affleck Bryan Cranston Alan Arkin John Goodman |
സംഗീതം | Alexandre Desplat |
ഛായാഗ്രഹണം | Rodrigo Prieto |
ചിത്രസംയോജനം | William Goldenberg |
സ്റ്റുഡിയോ | GK Films Smokehouse Pictures |
വിതരണം | Warner Bros. |
റിലീസിങ് തീയതി |
|
രാജ്യം | United States |
ഭാഷ | English Persian |
ബജറ്റ് | $44,500,000[1] |
സമയദൈർഘ്യം | 120 minutes[2] |
ആകെ | $159,784,904[1] |
ബെൻ ആഫ്ലെക്ക് മെൻഡസിനെ അവതരിപ്പിക്കുന്ന ഈ ചിത്രത്തിലെ മറ്റു പ്രധാന കഥാപാത്രങ്ങൾ ബ്രയാൻ ക്രാൻസ്റ്റൺ, അലൻ അർക്കിൻ, ജോൺ ഗുഡ്മാൻ എന്നിവരാണു്. 2012 ഒക്ടോബർ 12-നു പുറത്തിറങ്ങിയ ഈ ചിത്രം നിരൂപകരുടെ ശ്രദ്ധ പിടിച്ചു പറ്റുകയും, സാമ്പത്തികമായി വിജയിക്കുകയും ചെയ്തു. ഗ്രാന്റ് ഹെൽസോവ്, ബെൻ ആഫ്ലെക്ക്, ജോർജ്ജ് ക്ലൂണി എന്നിവരാണു ഈ ചിത്രത്തിന്റെ നിർമ്മാതാക്കൾ. ഈ രക്ഷപ്പെടുത്തലിന്റെ കഥ 1981-ൽ പുറത്തിറങ്ങിയ ലാമോണ്ട് ജോൺസൺ സംവിധാനം ചെയ്ത എസ്കേപ്പ് ഫ്രം ഇറാൻ: ദ കനേഡിയൻ കേപ്പർ എന്ന ടെലിവിഷൻ ചിത്രത്തിലും ഉൾപ്പെടുത്തിയിട്ടുണ്ട്[5][6].
ചിത്രം പുറത്തിറങ്ങിയതിനു ശേഷം വളരെയധികം ശ്രദ്ധിക്കപ്പെടുകയും 85-ആം അക്കാദമി പുരസ്കാരങ്ങളിൽ ഏഴു നാമനിർദ്ദേശം നേടുകയും, മികച്ച ചിത്രസംയോജനം[7], മികച്ച അവലംബ തിരക്കഥ, മികച്ച ചിത്രം എന്നീ മൂന്നു പുരസ്കാരങ്ങൾ കരസ്ഥമാക്കുകയും ചെയ്തു[8]. ഈ ചിത്രം 5 ഗോൾഡൻ ഗ്ലോബ് പുരസ്കാരത്തിനു നിർദ്ദേശിക്കപ്പെടുകയും മികച്ച കഥാ ചിത്രം, മികച്ച നടൻ എന്നീ പുരസ്കാരങ്ങൾ നേടുകയും ചെയ്തു[9]. പത്തൊൻപതാമത് സ്കീൻ ആക്റ്റേർസ് ഗിൽഡ് അവാർഡിൽ ഈ ചിത്രത്തിനു മികച്ച അഭിനയത്തിനുള്ള പുരസ്കാരം നേടി. ഈ ചിത്രം 66-ആമത് ബ്രിട്ടീഷ് അക്കാദമി അവാർഡുകളിൽ മികച്ച ചിത്രം, മികച്ച ചിത്രസംയോജനം, മികച്ച സംവിധായകൻ എന്നീ പുരസ്കാരങ്ങളും നേടി.
അവലംബം
പുറമെ നിന്നുള്ള കണ്ണികൾ
- ഔദ്യോഗിക വെബ്സൈറ്റ്
- Argo ഇന്റർനെറ്റ് മൂവി ഡാറ്റാബേസിൽ
- Argo ഓൾമുവീയിൽ
- റോട്ടൻ ടൊമാറ്റോസിൽ നിന്ന് Argo
- മെറ്റാക്രിട്ടിക്കിൽ നിന്ന് Argo
- ബോക്സ് ഓഫീസ് മോജോയിൽ നിന്ന് Argo