ആവര

ധാരാളം ഔഷധ ഗുണമുള്ള ആവരയുടെ എല്ലാ ഭാഗങ്ങളും കുഷ്ഠം, ആസ്ത്മ, സന്ധിവാതം^[4], പ്രമേഹം^[5] തുടങ്ങിയ രോഗങ്ങളിൽ പ്രധാനമായി ഉപയോഗിച്ചു വരുന്നു. ചില ഔഷധക്കൂട്ടുകളിൽ ജ്വര ചികിത്സയ്ക്കും,ആമാശയ പുണ്ണിനും ത്വക് രോഗങ്ങളിലും ഉപയോഗിക്കുന്നു^[6]. പൂക്കളിൽ ഫ്ലേവനോയിഡുകൾ, പ്രൊആന്തോസയാനിഡിൻ, β സീറ്റോസ്റ്റീറോൾ എന്നീ ഘടകങ്ങൾ അടങ്ങിയിട്ടുണ്ട്^[7][8].

പൂക്കൾ ജലത്തിൽ കുതിർത്ത ലായനി ഒരു കിലോഗ്രാം ശരീരഭാരത്തിന് 0.45 ഗ്രാം എന്ന അളവിൽ പ്രമേഹൌഷധമായി ഉപയോഗിക്കാം^[9][10]. ഒരേ അനുപാതത്തിൽ ജലവും മദ്യവും ചേർന്ന ലായനിയിൽ പൂക്കളുടെ പൊടി കുതിർത്തെടുത്ത ലായനി ഉപയോഗിച്ച് പ്രമേഹം ബാധിച്ച എലികളിൽ നടത്തിയ ഗവേഷണങ്ങളിൽ, പൂക്കളിലടങ്ങിയ എൻ-ബ്യൂട്ടനോൾ അംശങ്ങളാണ് പ്രമേഹൌഷധമായി പ്രവർത്തിക്കുന്നത് എന്ന് കണ്ടെത്തിയിട്ടുണ്ട്^[11]. പൂക്കൾ എഥനോൾ, മെഥനോൾ മദ്യങ്ങളിൽ കുതിർത്ത ലായനികളിൽ നടത്തിയ പരീക്ഷണങ്ങൾ, അവയിൽ വാർദ്ധക്യത്തെ പ്രതിരോധിക്കുന്ന ആന്റൈഓക്സിഡന്റുകൾ അടങ്ങിയിട്ടുണ്ട് എന്ന് തെളിയിച്ചു.^[12]. പരീക്ഷണവിധേയമാക്കിയ എലികളിൽ മദ്യം മൂലമുണ്ടാകുന്ന കരൾ രോഗത്തിന് ഇലകളുടെ നീര് ചേർത്തൂണ്ടാക്കിയ ലായനി ഒരു കിലോഗ്രാം ശരീരഭാരത്തിന് 250 മില്ലിഗ്രാം എന്ന അളവിൽ നൽകുമ്പോൾ കരൾ രോഗത്തിന് പ്രതിവിധിയായും പ്രതിരോധമായും പ്രവർത്തിക്കുന്നു^[13][14].

നേത്ര രോഗങ്ങൾ, രക്തസ്രാവം, വന്ധ്യത, ത്വൿ‌രോഗങ്ങൾ, ഗർഭാശയ സംബന്ധിയായ രോഗങ്ങൾ, അജീർണ്ണം, പ്രമേഹം തുടങ്ങിയ രോഗങ്ങളുടെ ആയുർവേദ ചികിത്സയിൽ ആവര ഉപയോഗിച്ചു വരുന്നു. പൂക്കൾ തമിഴ്നാട്ടിൽ ഭക്ഷണമായി ഉപയോഗിക്കുന്നു^[2].

തുകൽ ഊറയ്ക്കിടുന്നതിന് ഉപയോഗിക്കുന്നു, ടാന്നേർസ് കാസ്സ്യ എന്ന പേർ അതുകൊണ്ട്^[2].

പൊന്നാവരയെന്ന് പേരുള്ള ഇനത്തിന്റെ പൂക്കൾക്ക് ചുവപ്പു നിറമാണ്^[2].

• http://ayurvedicmedicinalplants.com/index.php?option=com_zoom&Itemid=26&page=view&catid=3&key=27&hit=1^{[പ്രവർത്തിക്കാത്ത കണ്ണി]}