അൽഡോബ്രാൻഡിനി മഡോണ
- ലേഖനം
- സംവാദം
ഉപകരണങ്ങൾ
സാർവത്രികം
അച്ചടിയ്ക്കുക/കയറ്റുമതി ചെയ്യുക
ഇതരപദ്ധതികളിൽ
Aldobrandini Madonna | |
---|---|
![]() | |
കലാകാരൻ | Raphael |
വർഷം | c. |
തരം | Oil on wood panel |
അളവുകൾ | 38.9 cm × 32.9 cm (15+1⁄4 in × 12+7⁄8 in) |
സ്ഥാനം | National Gallery, London |
1509–1510 നും ഇടയിൽ ഇറ്റാലിയൻ നവോത്ഥാന കലാകാരൻ റാഫേൽ ചിത്രീകരിച്ച ഒരു എണ്ണഛായാചിത്രമാണ് അൽഡോബ്രാൻഡിനി മഡോണ. ഈ ചിത്രത്തിൽ മഡോണയോടൊപ്പം, ശിശുക്കളായ ക്രിസ്തുവിനെയും, യോഹന്നാൻ സ്നാപകനെയും ചിത്രീകരിച്ചിക്കുന്നു. അദ്ദേഹത്തിന്റെ ഇതുപോലെയുള്ള മുൻചിത്രങ്ങളിൽ മൂന്നാമത്തേതായ ഈ ചിത്രത്തിൽ റോമൻ കാലഘട്ടത്തിന്റെ ആരംഭം മുതൽ അദ്ദേഹത്തിന്റെ ഉമ്ബ്രിയൻ അല്ലെങ്കിൽ ഫ്ലോറൻടൈൻ കാലഘട്ടത്തിൽ നിന്ന് വ്യത്യസ്തമായ മാറ്റങ്ങൾ കാണാവുന്നതാണ്. നൂറ്റാണ്ടുകളായി പ്രഭുക്കന്മാരായ റോമൻ ആൽഡോബ്രാൻഡിനി കുടുംബം സ്വന്തമാക്കിയ ഈ ചിത്രം 1865 മുതൽ ലണ്ടനിലെ നാഷണൽ ഗാലറിയുടെ ശേഖരണത്തിന്റെ ഭാഗമാണ്. പ്രഭുവും ലേഡി ഗാർവാഗും ചേർന്നുള്ള അഞ്ച് പതിറ്റാണ്ടിന്റെ ഉടമസ്ഥതയ്ക്ക് ശേഷം 1865-ൽ ദേശീയ ഗാലറിയിലേക്ക് വിറ്റ ഈ ചിത്രം ഇപ്പോഴും ഗാർവാഗ് മഡോണ എന്നും അറിയപ്പെടുന്നു.
റോമിൽ റാഫേൽ വരച്ച ചെറുതും ഇടത്തരവുമായ നിരവധി മഡോണകളിലൊന്നായ ഈ ചിത്രം മാർപ്പാപ്പയ്ക്കോ കോടതിയിലെ അംഗങ്ങൾക്കോ വേണ്ടി തന്റെ ഒഴിവുസമയ പദ്ധതികളിൽ അദ്ദേഹം ചിത്രീകരിച്ചതാകാം. [1] ഈ കാലയളവിൽ, റാഫേൽ ഫ്രെസ്കോ രീതിയിൽ വത്തിക്കാൻ കൊട്ടാരത്തിലെ ആദ്യത്തെ മുറിയിൽ സ്റ്റാൻസ ഡെല്ല സെഗ്നാചുറ [2] ചിത്രീകരിക്കുകയായിരുന്നു. [3]
ഒരു മുറിക്കുള്ളിൽ ജന്നലിലൂടെ റോമൻ ഭൂപ്രകൃതിയുടെ പശ്ചാത്തലത്തിൽ ജാലകങ്ങൾക്കിടയിലെ ഇരുണ്ട സ്തംഭത്തിനുമുന്നിൽ മഡോണയുടെ തിളക്കമുള്ള മുഖം ചിത്രീകരിച്ചിരിക്കുന്നു.[4]ക്രിസ്തുവായ കുട്ടി ശിശുവായ യോഹന്നാനുമായി ഒരു പുഷ്പം പരസ്പരം ഒന്നിച്ചു പിടിച്ചുകൊണ്ട് ബെഞ്ചിലിരിക്കുന്ന മഡോണയുടെ മടിയിൽ ഇരിക്കുന്നു.[5] ശിശുവായ ക്രിസ്തുവിന് ശിശുവായ ജോൺ നൽകുന്ന പുഷ്പത്തെ നോക്കി ഈ ചിത്രത്തെ മഡോണ ഡെൽ ഗിഗ്ലിയോ (ഡൈയാന്തസ് അല്ലെങ്കിൽ പിങ്ക്) എന്നും വിളിക്കുന്നു. ചിത്രത്തിന്റെ മനോഹാരിതയ്ക്കു പുറമേ, അതിന്റെ കൃപ, സൗന്ദര്യം, സാങ്കേതിക വൈദഗ്ദ്ധ്യം എന്നിവയ്ക്ക് നന്നായി ഈ ചിത്രം പരിഗണിക്കപ്പെടുന്നു. ദീപ്തിവലയം മാത്രമാണ് വളരെ മാനുഷിക രംഗമല്ലാതെ മറ്റെന്തെങ്കിലും സൂചിപ്പിക്കുന്നത്.[6]ഈ ചിത്രത്തെക്കുറിച്ചുള്ള ഒരു സംവാദത്തിൽ കന്യകയുടെ മടിക്ക് ചുറ്റുമുള്ള വസ്തുക്കളുടെ മടക്കുകൾ അവളുടെ കാലുകൾക്ക് മതിയായ ഇടം തോന്നുന്നില്ലയെന്നു സൂചിപ്പിക്കുന്നതായി ചൂണ്ടിക്കാണിക്കുന്നു.[7]
ശിശുവായ ക്രിസ്തുവും സമ പ്രായമുള്ള കസിൻ ആയ യോഹന്നാനും തമ്മിലുള്ള ബന്ധത്തെ ചിത്രീകരിക്കുന്നതിൽ റാഫേലിന് പ്രത്യേക ഇഷ്ടമുണ്ടെന്ന് തോന്നുന്നു. ഇത് പ്രായപൂർത്തിയാകുമ്പോൾ അവർക്ക് ആനന്ദമുണ്ടാക്കുന്ന പ്രത്യേക ബന്ധം കാരണമായിരിക്കാം. ബൈബിളിൽ വിവരിച്ചിരിക്കുന്നതുപോലെ മരുഭൂമിയിലെ വസ്ത്രങ്ങൾ പോലെ റാഫേൽ ചിത്രത്തിൽ മൂവരെയും അല്പം വസ്ത്രത്തിൽ ചിത്രീകരിച്ചിരിക്കുന്നു. camel's hair and with a girdle of skin about his loins. .[8]
മനോഹരമായ ഭാവപ്രകടനത്തോടെ, ക്രിസ്തുവായ കുട്ടി സ്വാഭാവികമായും കന്യകയുടെ മടിയിൽ ഇരുന്നുകൊണ്ട് സെന്റ് ജോണിനോടൊപ്പം തന്റെ ഭാവി അഭിനിവേശത്തിന്റെ അടയാളം ആയി കാർണേഷൻ പിടിച്ചിരിക്കുന്നു.[4]
ആദ്യകാല റോമൻ കാലഘട്ടത്തിലെ മഡോണ ചിത്രങ്ങൾ അദ്ദേഹത്തിന്റെ അംബ്രിയൻ, ഫ്ലോറന്റൈൻ മഡോണയിൽ നിന്ന് രൂപപ്പെട്ടതാണ്. വസ്ത്രധാരണത്തിലും രീതിയിലും കൂടുതൽ അനൗപചാരികമാണ്. അതേസമയം, ഘടന കൂടുതൽ സങ്കീർണ്ണവുമാണ്.[4] ഊഷ്മളവും രത്നവർണ്ണങ്ങളുമായ നിറങ്ങൾ സ്റ്റാൻസ ഡെല്ലാ സെഗ്നാതുര സ്കൂൾ ഓഫ് ഏഥൻസിലെ പ്രബലമായ നിറങ്ങളിലുള്ള ഒരു പരീക്ഷണവും[9] കൂടാതെ പോർസലെയ്ൻ പോലെ തിളക്കമുള്ളതുമാണ്.[7]
റാഫേലിന്റെ മുമ്പത്തെ അൻസിഡി മഡോണയുമായി (1505) ഈ ചിത്രം വ്യത്യാസപ്പെട്ടിരിക്കുന്നു. അദ്ദേഹത്തിന്റെ ഫ്ലോറൻടൈൻ കാലയളവിലെ അംബ്രിയൻ സ്കൂളിന്റെ കർശനമായ ആവിഷ്കാരത്താൽ സ്വാധീനിക്കപ്പെട്ടിരുന്നു. ഇവിടെ മഡോണ കൂടുതൽ മനുഷ്യ അമ്മയാണ്. പ്രഭാവലയത്തിലൂടെ മാത്രമേ ദൈവത്വം പ്രകടമാകൂ. ക്രിസ്തു കുട്ടിയും വിശുദ്ധ യോഹന്നാനും അവരുടെ മക്കളാണ്. സ്വാഭാവിക സാഹചര്യങ്ങളെ കൂടുതൽ പ്രതിഫലിപ്പിക്കുന്നതാണ് ചിത്രം.[10]എന്നിട്ടും, അൽബാ മഡോണ പോലുള്ള ചിത്രങ്ങൾ പിന്നീട് റാഫേലിന്റെ റോമൻ കാലഘട്ടത്തിൽ കൂടുതൽ സ്വാഭാവികതയുള്ള ചിത്രമായി.[11]
അദ്ദേഹത്തിന്റെ ഫ്ലോറന്റൈൻ കാലഘട്ടത്തിലെ ചിത്രങ്ങളിൽ നിന്ന് വ്യത്യസ്തമായി, അദ്ദേഹത്തിന്റെ റോമൻ കാലഘട്ടത്തിലെ മഡോണകൾ ശക്തവും കൂടുതൽ ഗംഭീരവുമാണ്. ഉമ്ബ്രിയയിലെ സുന്ദരിയായ സ്ത്രീയും ട്രസ്റ്റെവെറിലെയും കാമ്പാഗ്നയിലെയും സുന്ദരികളായ സ്ത്രീകളും തമ്മിലുള്ള വ്യത്യാസവും റഫേൽ ആദർശത്തെ പിന്തുടരുന്നതും ഇതിന് കാരണമാണ്. അദ്ദേഹം തന്റെ വിദ്യാർത്ഥികളോട് നിർദ്ദേശിച്ചു, "നമ്മൾ കാര്യങ്ങൾ അതേപടി പ്രതിനിധീകരിക്കരുത്, മറിച്ച് ആയിരിക്കണം.[12]
റോമിലെ ഒരു കലാകാരനെന്ന നിലയിൽ റാഫേലിന്റെ വളർച്ചയിൽ ശക്തമായ സ്വാധീനം മൈക്കലാഞ്ചലോ ആയിരുന്നു.[13]ലിയോനാർഡോ ഡാവിഞ്ചിയുടെ മഡോണ ലിറ്റയ്ക്ക് സമാനമായ ആൽഡോബ്രാൻഡിനി മഡോണയുടെ ഘടനയുടെ വശങ്ങളുണ്ട്. രണ്ട് ജാലകങ്ങൾക്ക് മുമ്പിലുള്ള പോർട്രെയിറ്റ് സ്റ്റൈൽ പെയിന്റിംഗ്, ഗ്രാമീണതയെയും കന്യകയുടെ വസ്ത്രത്തിന്റെ ശൈലിയെയും അവഗണിക്കുന്നു.[14]
റാഫേലിന്റെ ചിത്രങ്ങളിൽ ഒന്നായ അൽഡോബ്രാൻഡിനി മഡോണ, തികഞ്ഞ രീതിയിൽ വരച്ചിട്ടുള്ള ഈ ചിത്രം "പരിപൂർണ്ണതയുടെ നിലവാരം ഉയർത്തി. അനുകരണീയമായ രൂപവത്കരണ കലയും, ശ്രദ്ധേയമായ മികവിന്റെയും അവസ്ഥയിലെത്താൻ സാങ്കൽപികസൃഷ്ടിയുടെ ശക്തിയും സംയോജിപ്പിച്ച് റാഫേൽ വളരെ നൈപുണ്യത്തോടെ പ്രവർത്തിച്ചിരുന്നു. കൃത്യനിർവ്വഹണത്തിൽ മറ്റുള്ളവർ അദ്ദേഹത്തെ മറികടന്നപ്പോൾ, സാങ്കൽപികസൃഷ്ടി, ഘടന, ആവിഷ്കാരം എന്നിവയുടെ രൂപകൽപ്പനയിലും ഉപയോഗത്തിലും ഉള്ള റാഫേലിന്റെ വൈദഗ്ദ്ധ്യമാണ് അദ്ദേഹത്തിന്റെ കരുത്ത്.[15]
നവോത്ഥാനകാല ഇറ്റലിയിലെ ചിത്രകാരനും ശില്പിയുമായിരുന്നു റാഫേൽ. പിതാവായ ജിയോവാനി സാന്റി ഡ്യൂക്കിന്റെ കൊട്ടാരം ചിത്രകാരനായിരുന്നു. പിതാവ് തന്നെയായിരുന്നു റാഫേലിന്റെ ആദ്യ ഗുരു. പതിനഞ്ചാം വയസ്സിൽ റാഫേൽ പ്രശസ്ത ചിത്രകാരനായിരുന്ന പിയെട്രോ പെറുഗിനോയുടെ കീഴിൽ പരിശീലനം നേടി. 1502-ൽ പെറുഗിനോയുടെ ശിഷ്യനായിരുന്ന പിന്റുറിക്ക്യോയുടെ ക്ഷണം സ്വീകരിച്ച് റാഫേൽ സിയേനയിലേക്ക് പോയി. 1504-ലെ കന്യകയുടെ വിവാഹം (Wedding of the Virgin) ആണ് അദ്ദേഹത്തിന്റെ ആദ്യത്തെ പ്രധാന രചനയായി കണക്കാക്കുന്നത്. റാഫേൽ തന്റെ ജീവിതത്തിന്റെ അവസാനത്തെ 12 വർഷങ്ങൾ കഴിച്ചുകൂട്ടിയതും പ്രശസ്തമായ രചനകളിലധികവും നടത്തിയതും റോമിൽ വച്ചായിരുന്നു. രൂപത്തിന്റെ വ്യക്തത, രചനാരീതി, മനുഷ്യന്റെ ആഡംബരത്തിന്റെ നിയോപ്ലാറ്റോണിക് ആദർശത്തിന്റെ ദൃശ്യനേട്ടം എന്നിവയിലൂടെ അദ്ദേഹത്തിന്റെ ചിത്രങ്ങൾ പ്രശംസിക്കപ്പെടുന്നു.[16] റാഫേൽ ഒരു "നാടോടികളുടെ" ജീവിതം നയിച്ചു, വടക്കൻ ഇറ്റലിയിലെ വിവിധ കേന്ദ്രങ്ങളിൽ പ്രവർത്തിച്ചിരുന്നു. 1504 മുതൽ ഫ്ലോറൻസിൽ കൂടുതൽ സമയം ചെലവഴിച്ചു.
| ||
---|---|---|
| ||
Early works |
| |
Florentine period |
| |
Roman period |
| |
Related |
| |
|