Metro Exodus
Metro Exodus (буквално: Метро: Исход) — пукачка игра од прво лице развиена од украинската компанија 4A Games и објавена од Deep Silver. Играта била пуштена на 15 февруари 2019 г. за играчките платформи ЛС (Windows), PlayStation 4 и Xbox One. Metro Exodus е третата игра од серијата Metro, чиј заплет е заснован на романите на Дмитриј Глуховски и ја продолжува приказната на Metro 2033 и Metro: Last Light.[1][2]
Metro Exodus | |
---|---|
![]() | |
Изработувач(и) | 4A Games |
Издавач(и) | Deep Silver |
Уметник(ци) | Сергеј Кармалски |
Писател(и) | Андреј Пасхалов |
Композитор(и) | Алексеј Омелчук |
Серијал | Metro |
Погон | 4A Engine |
Подлоги | |
Датум на издавање | 15 февруари 2019 г.
|
Жанр(ови) | пукачка игра од прво лице |
Режим(и) | едноиграчки |
Играчки процес
Metro Exodus е пукачка игра од прво лице со елементи на преживувачки ужаси и потајна акција. Дејството се одвива во постапокалиптичните пустини на Руската Федерација и Република Казахстан, каде што играчот мора да се справи со новите опасности на светот и да учествува во борбата против мутираните суштества, како и непријателските луѓе.[3] Играчот поседува арсенал на огнено оружје и фрлачко оружје што можат да се подобрат (промените можат да се користат за приспособување на сите делови на оружјето, од приемникот до цевката). Играта содржи мешавина од праволиниски нивоа и отворени места достапни за истражување од играчот.[4][5] Има и динамичен временски систем, дневен/ноќен циклус и годишните времиња се менуваат како што напредува приказната.