Грав

Грав
Научна класификација
Царство:	Растенија
Нерангирано:	Скриеносеменици
Ред:	Бобовидни
Семејство:	Бобови
Племе:	Гравови
Род:	Грав
Вид:	Обичен грав
Научен назив
	Phaseolus vulgaris; L.
Синоними
	Список Phaseolus aborigineus Burkart; Phaseolus communis Pritz.; Phaseolus compressus DC.; Phaseolus esculentus Salisb.; Phaseolus nanus L. ; ;

Грав или боб — едногодишно растение од семејството на бобовите (Fabaceae) со големо видово разнообразие, од кои околу 15 се култивирани. Најраспространет е обичниот грав (науч. Phaseolus vulgaris), кој се дели на два подвида: висок (веткач) и низок (легач).

Според формата на семето, постојат пет вида: sphericus, elipticus, oblongus, compresus, subcompresus.

Потекнува од Јужна Америка. Во светот се одгледува на околу 230.000.000 хектари. Во Македонија е застапен на 4.500 - 5.000 хектари во чист посев и на 8.000 - 9.000 хектари во здружен посев. Топлољубиво растение, оптималната температура за одгледување е 20 – 22 степени целзиусови. Се одгледува главно заради зрелото зрно (семето), кое има висока хранлива вредност:

Употреба

Гравот, со просечна потрошувачка од 21,6 кг по домаќинство, е 7. зеленчук според употребата во Македонија во 2017 година^[2].

Други употреби

Листовите од грав биле користени за фаќање стеници во домовите.^[3] Микроскопските влакна (трихоми) на листовите од грав ги фаќаат инсектите.^[3]

Од античко време, гравот бил користен како уред во различни методи на претскажување. Претскажувањето со помош на грав се нарекува фавоманција.

Откриено е дека Phaseolus vulgaris биолошки акумулира цинк, манган и железо и има одредена толеранција на нивните соодветни токсичности, што укажува на соодветност за природна биолошка санација на почвите загадени со тешки метали.^[4]