Чурулин
| Чурулин | |
|---|---|
 | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Чурулинци |
| Род: | Burhinus |
| Вид: | Чурулин |
| Научен назив | |
| Burhinus oedicnemus (Linnaeus, 1758) | |
Чурулин (науч. Burhinus oedicnemus) — северен вид птица од семејството на чурулинците.Распространет е низ Европа, северна Африка и југозападна Азија. Таа е преселница од постудените краеви која зиме преоѓа во Африка. Ја има и во Македонија.
Опис
Чурулинот е прилично голема блатна птица иако е со средна големина според стандардите на своето семејство. Должината ѝ се движи од 38 до 46 см, со распон на крилјата од 76 до 88 см и тежина од 290 до 535 грама.[2]Перјето му е со бои од околината во која се вклопува, нозете му се жолти, но впечатлив е неговиот силен црно-жолт клун и големите жолти очи кои потсетуваат на влекачите. Впечатлив е во лет, со црно-белите ознаки на крилјата.Името на родот Burhinus доаѓа од грчкиот bous (секира) и rhis (нос).[3]
Поведение
И покрај тоа што е класифициран како блатна птици, чурулинот претпочита суви отворени простори со гола земја. Тој, во голема мера е ноќна птица, особено во сезоната на парење кога ја пее својата гласна ѕвонлива песна чур-ли, туули, тули тули, чуру-чуру ли.Несе 2-3 јајца во гнездото кое го сместува директно на земјата или во мала пукнатинка.Чурулинот се храни со инсекти, други мали безрбетници и повремено мали влекачи, жаби и глодачи.
Подвидови
Има 5 подвида од Burhinus oedicnemus:[4]
- Burhinus oedicnemus distinctus (Bannerman, 1914) Канарски Острови, централни и западни[5]
- Burhinus oedicnemus harterti Vaurie, 1963
- Burhinus oedicnemus insularum (Sassi, 1908) Канарски Острови, источни [6]
- Burhinus oedicnemus oedicnemus (Linnaeus, 1758)
- Burhinus oedicnemus saharae (Reichenow, 1894)
Наводи
Надворешни врски
- ARKive Архивирано на 21 мај 2008 г. Фотографии и видеа.
- Возраст и пол (PDF; 4.7 MB) by Javier Blasco-Zumeta & Gerd-Michael Heinze Архивирано на 23 јули 2011 г.