Унас

Унас или Венис, исто и Унис (староегипетски: wnjs, хеленизирана форма Oenas или Onnos), бил фараон, деветти и последен владетел од петтата династија на Египет за време на Старото Кралство. Унас владеел од 15 до 30 години во средината на 24 век п.н.е. (околу 2345-2315 п.н.е.), наследувајќи го Џедкаре Исеси, кој можеби бил негов татко.

Унас
Oenas, Onnos, Unis, Wenis
Црн саркофаг од пирамидата на Унас
Фараон на Египет
Владеел	не е сигурно; 15 до 30 години во средина на 24 век п.н.е., Петта дианстија
Претходник	Џедкаре Исеси
Наследник	Тети
Владетелски звања Предиме: Unas[1] Wnjs Преводот не е сигурен: Овде е битието[2] (ако се чита Ас-ун) Брзиот (Име на божицата Венет) Оној што навистина постои[3] Име: Унас[1][4] wnjs Преводот не е сигурен: Овде е битието[2] (ако се чита Ас-ун) Брзиот (име на божицата Венет) Оној што навистина постои[3] Варијанта: Хорово име: Wadjtawy[1][4] W3ḏ-t3.w(j) Цветањето на двете земји Друг превод: Цврстиот на двете земји[5] Небтиско име: Wadjemnebty[1][4] W3ḏ-m-nb.tj Оној кој цвета преку двете земји Златен Хор: Bik-nebw-Wadj[1][4] Bjk-nb.w-w3ḏ Златниот сокол кој цвета
Сопружници	Небет, Кенут
Татко	веројатно Џедкаре Исеси
Мајка	непознато
Закопан	Унасова пирамида

Малку е познато за активностите на Унас за време на неговото владеење, што било време на економски пад. Египет ги одржувал трговските односи со брегот на Левант и Нубија, а во јужниот дел на Ханаан можеби се случила и воена акција. Растот и децентрализацијата на администрацијата, заедно со намалувањето на моќта на кралот, продолжиле за време на Унас, и конечно, придонеле за падот на Старото Кралство, околу 200 години подоцна.

Унас изградил пирамида во Сакара, најмалата од кралските пирамиди завршени за време на Старото Кралство. Придружниот мртовечки комплекс со високи и ниски храмови поврзани со 750 метри долг насип, биле раскошно украсени со насликани релјефи, чиј квалитет и разноликост ја надминуваат вообичаената кралска иконографија.^[6] Понатаму, Унас бил првиот фараон кој ги напишал текстовите на Пирамидата и насликал на ѕидовите од коморите на неговата пирамида, главна иновација која била следена од неговите наследници до Првиот среден период (околу 2160-2050 година п.н.е.). Овие текстови го идентификуваат кралот со Ра и со Озирис, чиј култ бил во пораст во времето на Унас, и требало да му помогнат на кралот да стигне во задгробниот живот.