Тито Петковски
Тито Петковски (роден 23 јануари 1945 во Псача, Кривопаланечко) — македонски политичар, претседател на Нова социјалдемократска партија. Пратеник е во Собранието на Република Македонија во сите пратенички состави од осамостојувањето на Република Македонија.[1]
| Тито Петковски | |
|---|---|
| II Претседател на Собранието | |
| На должноста 6 март 1996 – 19 ноември 1998 | |
| Претседател | Киро Глигоров |
| Претходник | Стојан Андов |
| Наследник | Саво Климовски |
| Пратеник во Собрание на Република Македонија | |
| На должноста 1998 – 2002 | |
| Претседател | Борис Трајковски |
| Премиер | Љупчо Георгиевски |
| На должноста 2006 – 2014 | |
| Претседател | Бранко Црвенковски Ѓорге Иванов |
| Премиер | Никола Груевски |
| Претседател на Нова социјалдемократска партија | |
| На должноста 17 декември 2005 – 4 јуни 2022 | |
| Лични податоци | |
| Роден(а) | 23 јануари 1945 Псача, ДФ Македонија, ДФЈ |
| Националност | Македонец |
| Партија | Сојуз на комунистите на Македонија СДСМ НСДП |
| Професија | Политичар |
| Вероисповед | Православен христијанин |
Биографија
Завршил Правен факултет со правосуден испит. Работел во Општинскиот суд во Крива Паланка, како правник во Републичкиот завод за урбанизам, во Извршниот совет на Собранието на Град Скопје, бил на функција во Градскиот комитет на Сојузот на комунистите на Македонија - Скопје. Бил потпретседател на Македонското собрание во првиот парламентарен состав, пратеник во трите претходни парламентарни состави, а од 6 март 1996 до третите парламентарни избори во 1998 година и претседател на Собранието.
На претседателските избори 1999 година беше кандидат за претседател на СДСМ и го освои второто место зад кандидатот на ВМРО-ДПМНЕ, Борис Трајковски. Во врска со победата на Трајковски на овие избори беа ставени сериозни забелешки за изборен фалсификат.
По долгогодишното членство во СДСМ, на 30 ноември 2005 година Тито Петковски ја формира Нова социјалдемократска партија (НСДП)[2]. Во април 2022 година изјавува дека се повлекува од претседателската позиција на партијата, односно и од политиката, и немал план да се кандидира за нов претседателски мандат во НСДП.[3]
Наводи
Надворешни врски
- Интервју со Тито Петковски по повод отцепувањето од СДСМ и формирањето на НСДП Архивирано на 26 септември 2007 г.
| Политички функции | ||
|---|---|---|
| Претходник Стојан Андов | Претседател на Собранието на Македонија 1996–1998 | Наследник Саво Климовски |