Тимоти Кастањ

Технички цврст и способен да има офанзивно влијание, Кастањ е брз играч кој најдобро се изразува на позцијата десен бек.^[3] Во Аталанта под водството на Гасперини, тој најчесто бил користен како страничен играч од средиот ред по двете страни, благодарение на неговата способност да игра еднакво добро и со десната и со левата нога.

Роден во Арлон, Белгиски Луксембург, Кастањ започнал да игра фудбал во локалните клубови УС Валцинг и Лорен Арлон, пред да се пресели во младинската академија на Виртон, најголемиот клуб во покраината.^[4] Потоа, тој тренирал во младинските категории на Стандард Лиеж, за време на периодот кога престојувал во училишниот интернат кој се наоѓал недалеку од клубот, но продолжил да игра натпревари во Виртон за време на викендите.^[5]

Во 2011 година, Кастањ се преселил во Генк, откако Стандард одлучи да не го регрутира трајно.^[6]

Во јуни 2013 година, тој потпишал професионален договор со клубот на три години. Во јануари 2014 година, тогашниот тренер на Генк, Марио Бен, го вклучил Кастањ во тренинг кампот со првиот тим па откако овој му оставил добар впечаток, бил промовиран трајно во првиот тим за втората половина од сезоната 2013-2014, но не добил можност на дебитира.^[7]

Своето деби за Генк, Кастањ го направил под водството на новиот тренер Алекс Меклиш на почетокот на сезоната 2014-2015, играјќи како стартер во натпреварот од првенството против Клуб Бриж (1-1).^[8] На 2 мај 2015, го постигнал својот прв гол во кариерата во победата со 7-1 на домашен терен над Васланд-Беверен.^[9]

Во сезоната 2016-2017, тој исто така ги имал своите први меѓународни настапи, играјќи 12 натпревари во Лига Европа (дебитирал на 14 јули 2016, против Будуќност во второто квалификациско коло^[10]) на кои постигнал два гола, од кои еден бил во белгиското дерби Гент во осминафиналето.^[3] После вкупно 99 настапи и 3 гола за Генк, Кастањ го напуштил клубот во летото 2017.

Во јули 2017, потпишал за италијанската Аталанта, во трансфер вреден 6 милиони евра.^[11] Дебитирал во Серија А на 10 септември, играјќи од почеток во победата со 2-1 над Сасуоло. Својот прв гол за тимот од Бергамо го постигнал на 2 јануари 2018 година, во натпреварот од Купот на Италија добиен со 2-1 на гостувањето кај Наполи.^[12]

По првата сезона на адаптација,^[13] втората ја започнал подобро,^[14] а на 27 август го постигнал својот прв гол во кариерата во Серија А, во ремито 3-3 на гостувањето против Рома.^[15] Втората сезона за него генерално била позитивна,^[13] и покрај тоа што морал да се ротира на страничните позиции со Ханс Хатебур, постигнувајќи вкупно 4 првенствени голови; другите голови дошле во вториот натпревар против Рома (пак завршил 3-3, во кој му помогнал на тимот да ја анулира негативата од 3 гола^[16]), и во два важни успеси при крајот од првенството против Лацио (1-3)^[17] и Џенова (2-1).^[18]

Следната година, тој продолжил да се менува со Хатебур; во однос на головите, тој постигнал два: еден во првенството во последната минута во ремито 2-2 против Фјорентина (каде „Божицата“ анулирала негатива од два гола),^[19] другиот во Лигата на шампионите, во кој го постигнал првиот гол во успехот од 0-3 против Шахтар Донецк, со што и овозможил на Аталанта да се пласира во осминафиналето.^[20]

За 3 години поминати во Бергамо, тој собрал 96 настапи и 8 гола во сите натпреварувања за Аталанта;^[21] неговото збогување било поттикнато и од влошениот однос со тренерот Џан Пјеро Гасперини.^[22]

На 3 септември 2020, Кастањ го комплетирал својот трансфер во Премиер лигата на Англија, потпишувајќи петгодишен договор со Лестер Сити.^[23] На 13 септември 2020, тој го постигнал својот прв гол на своето деби за лисиците во победата со 3–0 над Вест Бромвич Албион;^[24][25] тој станал петтиот белгиски играч кој постигнал гол на своето деби во Премиер лигата, по Лук Нилис, Томас Вермален, Кристијан Бентеке и Леандро Тросар.^[26] Својата прва сезона во клубот ја завршил со освојување на трофеј, кога Лестер Сити го освоиле првиот ФА Куп во нивната клупска историја, совладувајќи го Челси во финалето со 1-0; Кастањ го започнал финалето од првата минута и го одиграл целиот натпревар.

Во сезоната 2022-2023, Кастањ одиграл 37 од 38-те натпревари на Лестер Сити во Премиер лигата (пропуштајќи го само натпреварот од петтото коло против Манчестер Јунајтед на домашен терен во кој останал на клупата) постигнувајќи два гола, но истата завршила неславно за лисиците со испаѓање од елитната дивизија по 9 години. И покрај испаѓањето на Лестер, тој останал да игра во Премиер лигата, потпишувајќи за Фулам на 29 август 2023.^[27][28]

Кастањ е поранешен младински репрезентативец на Белгија во селекциите под 18, под 19 и под 21 година. За последната дебитирал во 2015 година, постигнувајќи гол за победа уште на неговото деби.

Своето деби за сениорите го имал на 7 септември 2018 во пријателски натпревар против Шкотска,^[29] додека првиот погодок го постигнал на 8 јуни 2019, во победата со 3-0 над Казахстан во квалификациите за Европското првенство 2020. Откако Белгија се квалификувала за споменатиот турнир, тој се нашол на списокот играчи кој учествувале, забележувајќи таму еден настап, во победата со 3-0 над Русија. Тој го започнал натпреварот против русите во почетната постава, но морал да го напушти теренот во 27-мата минута откако се судрил директно со противничкиот играч Далер Кузјаев. Подоцна било утврдено дека Кастањ доживеал двојна скршеница на окото, по што морал да се повлече од остатокот на турнирот.^[30]

Во декември 2022, тој бил повикан за Светско првенство 2022 во Катар. Таму тој ги одиграл сите три натпревари на Белгија во групната фаза, по која репрезентацијата била елиминирана.

Хронологија на настапи и постигнати голови за националната селекција ― Белгија
Дата	Град	Домашни	Резултат	Гости	Натпреварување	Голови	Инфо	Детали
7-9-2018	Глазгов	Шкотска	0 – 4	Белгија	Пријателска	-	46'
16-10-2018	Брисел	Белгија	1 – 1	Холандија	Пријателска	-	73'
21-3-2019	Брисел	Белгија	3 – 1	Русија	Квал. за Евро 2020	-
24-3-2019	Никозија	Кипар	0 – 2	Белгија	Квал. за Евро 2020	-
8-6-2019	Брисел	Белгија	3 – 0	Казахстан	Квал. за Евро 2020	1
10-10-2019	Брисел	Белгија	9 – 0	Сан Марино	Квал. за Евро 2020	1
16-11-2019	Санкт Петербург	Русија	1 – 4	Белгија	Квал. за Евро 2020	-
5-9-2020	Копенхаген	Данска	0 – 2	Белгија	УЕФА Лига на нации 2020-2021 - Прва фаза	-
8-10-2020	Брисел	Белгија	1 – 1	Брег на Слоновата Коска	Пријателска	-	90'
11-10-2020	Лондон	Англија	2 – 1	Белгија	УЕФА Лига на нации 2020-2021 - Прва фаза	-
14-10-2020	Рејкјавик	Исланд	1 – 2	Белгија	УЕФА Лига на нации 2020-2021 - Прва фаза	-	68'
24-3-2021	Левен	Белгија	3 – 1	Велс	Квал. за СП 2022	-	83'
27-3-2021	Прага	Чешка	1 – 1	Белгија	Квал. за СП 2022	-	25'
6-6-2021	Брисел	Белгија	1 – 0	Хрватска	Пријателска	-
12-6-2021	Санкт Петербург	Белгија	3 – 0	Русија	Евро 2020 - Прва фаза	-	27'
5-9-2021	Брисел	Белгија	3 – 0	Чешка	Квал. за СП 2022	-
8-9-2021	Казањ	Белорусија	0 – 1	Белгија	Квал. за СП 2022	-
7-10-2021	Торино	Белгија	2 – 3	Франција	УЕФА Лига на нации 2020-2021 - Полуфинале	-	90+2'
10-10-2021	Торино	Италија	2 – 1	Белгија	УЕФА Лига на нации 2020-2021 - за 3. место	-
13-11-2021	Брисел	Белгија	3 – 1	Естонија	Квал. за СП 2022	-
16-11-2021	Кардиф	Велс	1 – 1	Белгија	Квал. за СП 2022	-	59'
3-6-2022	Брисел	Белгија	1 – 4	Холандија	УЕФА Лига на нации 2022-2023 - Прва фаза	-
8-6-2022	Брисел	Белгија	6 – 1	Полска	УЕФА Лига на нации 2022-2023 - Прва фаза	-	84'
14-6-2022	Варшава	Полска	0 – 1	Белгија	УЕФА Лига на нации 2022-2023 - Прва фаза	-
25-9-2022	Амстердам	Холандија	1 – 0	Белгија	УЕФА Лига на нации 2022-2023 - Прва фаза	-	6'  82'
18-11-2022	Кувајт	Белгија	1 – 2	Египет	Пријателска	-	82'
23-11-2022	Ал Рајан	Белгија	1 – 0	Канада	СП 2022 - Прва фаза	-		детали
27-11-2022	Доха	Белгија	0 – 2	Мароко	СП 2022 - Прва фаза	-		детали
1-12-2022	Ал Рајан	Хрватска	0 – 0	Белгија	СП 2022 - Прва фаза	-		детали
24-3-2023	Солна	Шведска	0 – 3	Белгија	Квал. за Евро 2024	-
28-3-2023	Келн	Германија	2 – 3	Белгија	Пријателска	-
17-6-2023	Брисел	Белгија	1 – 1	Австрија	Квал. за Евро 2024	-
20-6-2023	Талин	Естонија	0 – 3	Белгија	Квал. за Евро 2024	-	4'
9-9-2023	Баку	Азербејџан	0 – 1	Белгија	Квал. за Евро 2024	-
12-9-2023	Брисел	Белгија	5 – 0	Естонија	Квал. за Евро 2024	-	66'
13-10-2023	Виена	Австрија	2 – 3	Белгија	Квал. за Евро 2024	-	63'
16-10-2023	Брисел	Белгија	1 – 1	Шведска	Квал. за Евро 2024	-
15-11-2023	Левен	Белгија	1 – 0	Србија	Пријателска	-	77'
19-11-2023	Брисел	Белгија	5 – 0	Азербејџан	Квал. за Евро 2024	-
23-3-2024	Даблин	Ирска	0 – 0	Белгија	Пријателска	-	46'
26-3-2024	Лондон	Англија	2 – 2	Белгија	Пријателска	-
Вкупно		Настапи	41		Голови	2

• ФА Куп : 1

2020-2021

• ФА Комјунити Шилд : 1

2021

	Портал „Биографија“
	Портал „Фудбал“
	Портал „Белгија“

• Тимоти Кастањ на soccerway
• Тимоти Кастањ на transfermarkt
• Тимоти Кастањ на espn
• Тимоти Кастањ на tuttocalciatori
• Тимоти Кастањ на whoscored