Стефан Ристовски

Тој е постар брат на Милан Ристовски, кој е исто така фудбалер и игра за македонската репрезентација.

Ристовски ја започнал својата фудбалска кариера во својот роден крај Скопје, во екипата на Вардар за која дебитирал со само 16 години.^[1] Во јануари 2010 година, на 17-годишна возраст потпишал петгодишен договор со италијанската Парма, но договорот не бил официјализиран додека играчот не наполнил 18 години.^[2][3]

Ристовски и се прилкучил на Парма во 2010 година, каде играл за Примавера тимот.

На 6 јули 2011, Ристовски бил позајмен на второлигашот Кротоне за кој дебитирал во натпревар од Купот на Италија во кој неговиот тим загубил од Болоња со 4-2.^[4] Своето деби во Серија Б, Ристовски го направил на 6 јануари 2012 година, влегувајќи во игра на местото на Антонио Мацота во 69-тата минута, во поразот на гостински терен од Бреша со 3-0. Тоа бил неговиот единствен првенствен настап за Кротоне, а кон крајот на истиот месец бил позајмен на Фрозиноне во Лега Про.^[5] Во екипата на Фрозиноне, тој бил редовен стартер во пролетниот дел од сезоната, но клубот имал разочарувачка сезона завршувајќи на осмото место и надвор од борбата за влез во Серија Б.

Откако ја завршил сезоната со Фрозиноне, во текот на летото, Стефан бил проследен на нова позајмица овојпат во екипата на Бари. На 25 август 2012 година го направил дебито за Бари во победата со 2-1 на домашен терен против Читадела. Сезоната ја завршил со 20 настапи (15 како стартер), без постигнат гол и заработил три жолти картони.

Следната сезона (2013-2014) ја поминал на заем во новопромовираниот клуб Латина кој бил важна станица за Ристовски бидејќи бил стандарден во почетниот тим и имал можност да игра во континуитет и да се афирмира. Дебито во сино-црниот дрес го направил против Авелино на домашен терен (1-1) на 31 август 2013 година. По доаѓањето во клубот на новиот тренер Роберто Бреда, Ристовски станал стандарден првотимец по десната страна од теренот во формацијата 3-4-1-2, играјќи како бек-крило. Иако одбранбен играч, тој одлично се снашол на новата позиција и бил многу корисен и во нападот на својот тим по десната страна со опасни пробиви и центаршутеви, додека Масахуду Алхасан истото го правел по левата страна, па Латина имала повеќе постигнати голови по нафрлени топки од било кој друг клуб во лигата. На 22 јануари 2014 година, Ристовски го постигнал својот прв гол во Серија Б во својата кариера, носејќи му победа на својот тим против Емполи во третата минута (93) од судиското продолжение со прецизен удар со глава одблиску на втората статива по нафрлената топка на Алхасан.^[6] Во следното коло по неговиот корнер во 61. минута, Марсело Котафава го постигнал водечкиот погодок во ремито 1-1 против Авелино.^[7] Својот втор гол во сезоната го постигнал во победата со 4-1 над Новара, исто така, на домашен терен. Со добрите игри во текот на оваа сезона, тој дал голем придонес за одличното трето место на Латина, но тимот за малку не успеал да избори влез во Серија А. Во финалето на плејофот, Латина била поразена од Чезена со вкупен резултат од 4-2, а Ристовски играл и во двата натпревари.^[8] Сезоната ја завршил со 37 првенствени настапи (вклучувајќи го и плејофот), 3 гола и 3 асистенции и еден настап во Купот на Италија.

Летото 2014 година, Ристовски се вратил во Парма и бил повикан за натпреварите од претсезонската турнеја. На 31 август, тој дебитирал во Серија А во поразот на гостувањето кај Чезена со 1-0, влегувајќи како замена на местото на Матија Касани во 82. минута.^[3][9] На тој начин, Ристовски станал четвртиот македонски фудбалер кој заиграл во Серија А, по Дарко Панчев, Горан Пандев и Агим Ибраими.^[10] Во следното коло, Ристовки дебитирал на домашен терен како стартер и го одиграл целиот натпревар во кој Парма загубила од Милан со 4-5, но во 79. минута направил груба грешка, враќајќи ја топката назад кон својот голман, со што му дозволил на Жереми Менез да ги доведе росонерите во водство со 5-3.^[3][11] Откако не успеал да се избори за место во почетната постава на Парма, во јануари 2015, Ристовски се вратил во Латина на заем до крајот на сезоната 2014-2015.^[12] Сезоната ја завршил со 6 настапи за Парма и 19 за Латина.

На 7 јули 2015 потпишал за екипата на Специја, но веднаш бил позајмен на хрватската Риека до крајот на сезоната, како резултат на партнерските односи меѓу двата клуба и честата размена на играчи. Ристовски дебитирал за Риека на 19 јули 2015 во натпреварот против Славен Белупо (3-3), a својот прв гол за клубот го постигнал на 29 ноември 2016 во победата со 3-1 на гостувањето кај Локомотива Загреб во Купот на Хрватска.^[13]

Во сезоната 2016-2017, со клубот ги освоил хрватското првенство и Купот на Хрватска.^[14]

На 7 август 2017, Ристовски потпишал за Спортинг Лисабон.^[15] Дебитирал во новиот дрес на 12 септември, во победата со 2-3 на гостувањето кај Олимпијакос во натпрвар од Лигата на шампионите, влегувајќи од клупата за резерви во завршните минути од средбата.^[16] Во првенството дебитирал на 5 ноември, играјќи како стартер во ремито 2-2 против Брага. И покрај тоа што во првата сезона малку добивал простор за игра, следната сезона Ристовски станал прв избор на позицијата десен бек по заминувањето на Кристијано Пичини. Во Спортинг останал до почетокот на 2021 година и освоил два Лига купа на Португалија.

На 2 февруари 2021, Ристовски потпишал за Динамо Загреб за непознат износ.^[17][18] Дебитирал за модрите на 13 февруари во победата со 1-0 над Осиек на Максимир во Прва ХНЛ, но на тој натпревар добил два жолти картони и бил исклучен во 77-мата минута од натпреварот.^[19]

Своето деби за Македонската фудбалска репрезентација Ристовски го направил на 10 август 2011 година, на натрпеварот против Азербејџан. Својот прв погодок за репрезентацијата го постигнал на 11 јуни 2017, против Шпанија, во поразот со 1-2 во Скопје во квалификациите за Светското првенство 2018.

Хронологија на настапи и постигнати голови за националната селекција ― Македонија
Дата	Град	Домашни	Резултат	Гости	Натпреварување	Голови	Инфо	Детали
10-08-2011	Баку	Азербејџан	0 – 1	Македонија	Пријателска	-
26-05-2012	Леирија	Португалија	0 – 0	Македонија	Пријателска	-
15-08-2012	Скопје	Македонија	1 – 0	Литванија	Пријателска	-	60'
16-10-2012	Скопје	Македонија	1 – 0	Србија	Квал. за СП 2014	-	90+1'
06-02-2013	Скопје	Македонија	3 – 0	Данска	Пријателска	-
26-03-2013	Брисел	Белгија	1 – 0	Македонија	Квал. за СП 2014	-	70'
14-08-2013	Скопје	Македонија	2 – 0	Бугарија	Пријателска	-
06-09-2013	Скопје	Македонија	2 – 1	Велс	Квал. за СП 2014	-	39'
10-09-2013	Скопје	Македонија	1 – 2	Шкотска	Квал. за СП 2014	-
11-10-2013	Кардиф	Велс	1 – 0	Македонија	Квал. за СП 2014	-
15-10-2013	Јагодина	Србија	5 – 1	Македонија	Квал. за СП 2014	-	25'
08-09-2014	Валенсија	Шпанија	5 – 1	Македонија	Квал. за Евро 2016	-	14'
20-06-2014	Скопје	Македонија	3 – 2	Луксембург	Квал. за Евро 2016	-	26'
12-10-2014	Лавов	Украина	1 – 0	Македонија	Квал. за Евро 2016	-
15-11-2014	Скопје	Македонија	0 – 2	Словачка	Квал. за Евро 2016	-
27-3-2015	Скопје	Македонија	1 – 2	Белорусија	Квал. за Евро 2016	-
30-3-2015	Скопје	Македонија	0 – 0	Австралија	Пријателска	-	74'
5-9-2015	Луксембург	Луксембург	1 – 0	Македонија	Квал. за Евро 2016	-	40'
12-10-2015	Борисов	Белорусија	0 – 0	Македонија	Квал. за Евро 2016	-
12-11-2015	Скопје	Македонија	4 – 1	Црна Гора	Пријателска	-
17-11-2015	Скопје	Македонија	0 – 1	Либан	Пријателска	-	69'
Вкупно		Настапи	19		Голови	0

Статистиката е ажурирана на 25 февруари 2019.

Сезона	Клуб	Првенство			Национален куп			Континентален куп			Останати купови			Вкупно
		Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2011-јан. 2012	Кротоне	Б	1	0	КИ	1	0	-	-	-	-	-	-	2	0
јан.-јун. 2012	Фрозиноне	1Д	12	0	КИ+КИ-ЛП	-	-	-	-	-	-	-	-	12	0
2012-2013	Бари	Б	20	0	КИ	1	0	-	-	-	-		-	21	0
2013-2014	Латина	Б	33+4[20]	2+1[20]	КИ	1	0	-	-	-	-	-	-	38	3
2014-јан. 2015	Парма	А	6	0	КИ	0	0	-	-	-	-	-	-	2	0
јан.-јун. 2015	Латина	Б	19	0	КИ	-	-	-	-	-	-	-	-	14	0
Вкупно Латина			56	3		1	0		-	-		-	-	57	3
2015-2016	Риека	1.ХНЛ	32	0	КХ	5	0	ЛЕ	1[21]	0	-	-	-	38	0
2016-2017		1.ХНЛ	32	0	КХ	6	1	ЛЕ	2[21]	0	-	-	-	40	1
2017-2018		1.ХНЛ	3	0	-	-	-	ЛШ	4[21]	1				7	1
Вкупно Риека			67	0		11	1		7	1		-	-	85	2
2017-2018	Спортинг Лисабон	ПЛ	8	0	КП+ЛКП	7+1	0	ЛШ+ЛЕ	4+3	0	-	-	-	23	0
2018-2019		ПЛ	10	0	КП+ЛКП	2+3	0	ЛЕ	3	0	-	-	-	18	0
Вкупно Спортинг Лисабон			18	0		13	0		10	0		-	-	41	0
Вкупно во кариерата			189+4	3+1		22	1		14	1		-	-	229	6

• Прва ХНЛ : 1

2016-2017

• Куп на Хрватска : 1

2016-2017

• Лига куп на Португалија : 2

2017-2018, 2018-2019.

• Профил на Macedonian Football (англиски)
• Стефан Ристовски на transfermarkt.com (англиски)
• Стефан Ристовски на soccerway (англиски)