Стадион Ахмад бин Али
Стадион Ахмад бин Али (арап. ملعب أحمد بن علي)[3] [4] познат како стадион Ал Рајан — повеќенаменски стадион во Ал Рајан, Катар. Моментално најмногу се користи за фудбалски натпревари и е стадион на спортскиот клуб Ал Рајан и спортскиот клуб Ал Харитијат. Стадионот е именуван по Ахмад бин Али Ал Тани, емирот на Катар од 1960 до 1972 година.[5] Поранешниот стадион, изграден во 2003 година, имал капацитет од 21.282 седишта и бил срушен во 2015 година[6] Новиот стадион Ал Рајан има капацитет од 50.000 седишта.[7]
| Стадион Ахмад бин Али | |
|---|---|
 | |
| Место | Ал Рајан, Катар |
| Координати | 25°19′47″N 51°20′32″E / 25.329640° СГШ; 51.342273° ИГД |
| Започнат | 2001–2002, 2016–2018 |
| Изграден | 2003 |
| Отворен | 2003 (стар стадион), 18 декември 2020 |
| Реновиран | 2016–2020 |
| Сопственик | |
| Подлога | Трева |
| Архитект | Pattern Design[1] |
| Главни изведувачи | Al-Balagh и Larsen & Toubro |
| Игра | Спортски клуб Ал Рајан |
| Гледачи | 50.000[2] |
Изградба за Светското првенство Катар
Стадионот Ахмад бин Али е еден од осумте стадиони кои се пренаменети за Светското првенство во фудбал во Катар во 2022 година.[8]
Поранешниот стадион Ахмад бин Али бил срушен во 2015 година[9] за на тоа место да се изгради новиот стадион Ал Рајан. 90 отсто од урнатините ќе бидат повторно искористени или за новиот стадион или за други јавни уметнички проекти.[10]
Изградбата на новиот стадион започнала на почетокот на 2016 година,[11] од страна на Ал Балаг и Ларсен & Тубро. Како дел од реновирањето била направена огромна „медиумска фасада“ со мембрана која ќе делува како екран за проекции, вести, реклами, спортски вести, тековни информации за турнирите и натпревари. Исто така, стадионот бил проширен за капацитетот да достигне 40.740 седишта.
По Светското првенство капацитетот на стадионот ќе биде намален на 21.000 седишта. Новиот стадион е изграден за Светското првенство во фудбал во 2022 година, чиј домаќин ќе биде Катар.[12]
Свеченото отворање на стадионот било на 18 декември 2020 година, на Националниот ден на Катар, и точно две години пред земјата да биде домаќин на финалето на Светското првенство во фудбал во 2022 година.[13] На овој стадион се одиграле и дел од натпреварите за Светското клупско првенство на ФИФА во 2020 година.[14] [15]
Дополнително, тука се одиграле и четири натпревари од Арапскиот куп 2021 година.[16]
Светско првенство во фудбал 2022 година
Стадионот Ахмад бин Али ќе биде домаќин на седум натпревари на Светското првенство во фудбал во 2022 година.[17]
| Датум | Време | Тим 1 | Резултат | Тим 2 | Рунда | Присуство |
|---|---|---|---|---|---|---|
| 21 ноември 2022 | 22:00 часот |  САД | 1–1 |  Велс | Група Б | |
| 23 ноември 2022 | 22:00 часот |  Белгија | 1–0 |  Канада | Група Ф | |
| 25 ноември 2022 | 13:00 часот | Велс | 0–2 |  Иран | Група Б | |
| 27 ноември 2022 | 13:00 часот |  Јапонија | – |  Костарика | Група Е | |
| 29 ноември 2022 | 22:00 часот | Велс | – |  Англија | Група Б | |
| 1 декември 2022 | 18:00 часот |  Хрватска | – | Белгија | Група Ф | |
| 3 декември 2022 | 22:00 часот | Победникот од Група Ц | – | Второпласириот од Група Д | Осминафинале |