Серија Б 2015-2016 (позната како Серија Б ConTe.it од спонзорски причини) е 84-та сезона на италијанската втора лига по ранг Серија Б од нејзиното основање во 1929 година. Вкупно 22 екипи се натпреваруваат во лигата: од кој, 16 од претходната сезона 2014-2015, 4 промовирани од Лега Про и 2 испаднати од Серија А. Поради стечај последнопласираната екипа во Серија А претходната сезона, Парма била префрлена во Серија Д, додека Катанија била исфрлена во Лега Про поради местење на натпревари, со што и било дозволено на Бреша да остане во лигата, и покрај тоа што испаднале претходната сезона. Исто така, Терамо требало да учествуваат во Серија Б, но поради наводите за местење натпревари, судовите одлучиле да го потиснат Терамо на последното место во Лега Про за претходната сезона. По испаѓањето на Катанија, Виртус Ентела е повторно примен во Серија Б како најдобар тим од испаднатите екипи од претходната сезона.[1][2]