Рашид Волис

Рашид Абдул „Шид“ Волис (роден на 17 септември 1974)^[1] — поранешен американски кошаркар, кој играл 16 сезони во Националната кошаркарска асоцијација (НБА).

Рашид Волис
Позиција	крилен центар, центар
Висина	2,08 м
Тежина	102 кг
Број	30, 36
Роден	17 септември 1974(1974-09-17) (49 г.) Филаделфија, Пенсилванија
Националност	САД
Факултет	Северна Каролина (1995–1997)
Драфт	1995 / Рунда: 1 / Пик: 4-ти overall
Избран од Вашингтон Булетс
Проф. кариера	1995–2013
Клубови
Како играч:
1995-1996	Вашингтон Булетс
1996-2004	Портланд Т. Блејзерс
2004	Атланта Хокс
2004-2009	Детроит Пистонс
2009-2010	Бостон Селтикс
2012-2013	Њујорк Никс
Како тренер:
2013–2014	Детроит Пистонс (асистент)
Репрезентација
Инфо од: 29.11.2016.

Роден во Филаделфија, Вплис играл колеџ кошарка на Универзитетот Северна Каролина пред да стигне во НБА во 1995 година. Првично избран од страна на Вашингтон Булетс (сега познат како Вашингтон Визардс) како четврти пик на НБА Драфтот 1995, Волис бил избран во вториот тим Ол-руки тим во неговата прва сезона. Потоа тој бил трејдуван во Портланд Треилблејзерс по завршувањето на сезоната. Во Портланд тој бил клучен член на тимот на Треилблејзерс што стигнал до финалето на Западната конференција во 1999 и 2000, и бил избран за НБА Ол-стар натпреварите во 2000 и 2001 година. Волис имал најдобри во кариерата во просек 19,4 бода по натпревар во 2002 година за Треилблејзерс.

Во текот на сезоната 2003-2004 Портланд го трејдувале Волис во Атланта каде што тој одиграл само еден натпревар пред да биде трејдуван во Детроит Пистонс. Со Пистонс, Волис го освоил НБА првенството во 2004 година, но го загубил НБА финалето во следната сезона. Поединечно, Волис бил НБА Ол-стар во 2006 и 2008 година. По сезоната 2008-2009, Волис заминал од Пистонс како слободен играч и потпишал со Бостон Селтикс, каде што играл до пензионирањето во 2010 година, за подоцна по двегодишна пауза тој да се врати на паркетот и потпишувајќи едногодишен договор со Њујорк Никс во 2012 година.

Волис во моментов е водечки НБА играч на сите времиња по бројот на направени технички фаули, со 317, што воглавно се должи на неговиот темперамент.^[2] Тој исто така, го држи рекордот за најмногу технички грешки во една сезона, кога во сезоната 2000-2001 добил дури 41 техничка грешка во период од 80 натпревари, во просек од околу еден технички фаул на секои два натпревари. Својата кариера ја завршил на 17 април 2013 година.