Праведник

Праведник — село во општина Кавадарци. Од градот Кавадарци селото е оддалечено 20км југозападно.

На 15 мај 1990 година била изградена спомен-чешма во чест на загинатите борци за време на НОБ: Герасим Николов, Перо и Ристо Гелеви.

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.^[2]

Во 2002 година селото било целосно напуштено. Според последниот попис од 2021 година, во селото исто така немало жители.

Во 2022 е регистриран еден жител со постојано место на живеење и со над 100 грла крупен и мал добиток. Исто така е регистрирана обнова на селото, фрескописот на црквата, патот од Шешково до Праведник и др. До селото води електрична мрежа и водовод. Се градат викендици.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[3]; за 1905 г.: La Macédoine et sa Population Chrétienne.^[4]; за 1948-2002 г.: Државен завод за статистика на РМ.^[5]; за 2021 г.: Државен завод за статистика на РМ.^[6]

Праведник било македонско село.

Според истражувањата од 1920-тите, Родови во селото биле:

• Староседелци: Царовци (4 к.), Настовци (1 к.), Јанџиковци (4 к.), Трипуновци (3 к.), Босилковци-Галабовци (2 к.), Ристовци-Митровци (4 к.) и Ризовци (4 к.)
• Доселеници: Трповци (3 к.) доселени од селото Добротино во XVIII век: Мрковци (3 к.) доселени од селото Стрмашево во XVIII век: Степановци (1 к.) доселени од селото Клиново во Мариово во XIX век: Марчевци (4 к.) доселени од селото Галиште во XIX век. Познати се уште како и Мијаилевци и Јуруковци: Кошанци (1 к.) доселени од селото Кошани: Дупиновци (1 к.) доселени од селото Драдња, а поддалечно потекло од Мариово: Лазарковци (1 к.) доселени од селото Добротино: Мицевци (1 к.) доселени од селото Грбовец: Митревци (1 к.) доселени од селото Старавина во Мариово: Таневци (1 к.) доселени од Грбовец: Митревци (1 к.) доселени од Зборско во Меглен, преку селото Полошко.^[7]

Археолошки наоѓалишта^[8]

• Корита — населба од доцноантичкото време;
• Краставец — населба од римското време;
• Полошко I — населба од доцноантичкото време;
• Полошко II — населба од доцноантичкото време; и
• Полошки Манастир — населба од доцноантичкото време.

Цркви

• Црква „Св. Спас“, селската црква
• Црква „Св. Ѓорѓи“, манастирската црква во денешниот атар на Праведник, во минатото на поранешното село Полошко

• 
  Куќа во селото
• 
  Куќа во селото
• 
  Сретсело
• 
  Спомен-плочата на чешмата во чест на загинатите борци во НОБ

• Праведник на Ризницата