Константин Николов (зограф)
Константин Николов (Колов, Коловски) Дулев — македонски зограф и иконописец, претставник на Дебарската школа и припадник на зографскиот род Коловци.
Константин Николов | |
---|---|
Роден(а) | XIX век Лазарополе, Реканско |
Починал(а) | XX век |
Националност | Македонец |
Занимање | иконописец, зограф |
Активен период | 1891 - 1927 |
Познат(а) по | цркви и манастири |
Значајни дела | во текстот |
Деца |
|
Родители | Никола Крстев (татко) |
Животопис
![](http://upload.wikimedia.org/wikipedia/commons/thumb/5/5b/Isus_Hristos_od_Sv._Nikola_Tetovski_01.jpg/240px-Isus_Hristos_od_Sv._Nikola_Tetovski_01.jpg)
![](http://upload.wikimedia.org/wikipedia/commons/thumb/8/85/Sveta_Bogorodica_Sloeshtica.png/250px-Sveta_Bogorodica_Sloeshtica.png)
Роден е во мијачкото село Лазарополе. Припаѓал на големиот зографски род Дулеви (Колоски), чии основоположници се Дуле и син му Никола. Често работел заедно со брат му Крсте Николов.[1] Двајцата во 1891 г. работеле во „Св. Петар и Павле“ во Сталиска Маала, Ломско, Бугарија.[2]
Во 1898–1899 г. Константин Николов заедно со Никола Аврамов го изработил иконостасот на црквата „Воведение на пресв. Богородица“ во Буринец, Струшко.[3]
Во 1900 г. учествувал во живописувањето на храмот „Св. Богородица“ во Македонски Брод.[4] Во 1906 г. ги изработил царските двери, влезните врати кон олтарот, дел од иконите на горните редови на иконостасот и амвонските икони за црквата „Св. Петар и Павле“ во битолското село Крстоар.[5]
Во 1909 г. со Крсте Николов ги насликале иконостасните и други икони за црквата „Успение на пресв. Богородица“ во Долно Дупени, Ресенско.[6]
Во 1924 г. со синовите Јаким и Теодосиј ја живописале црквата „Успение на пресв. Богородица“ во Слоештица, Демирхисарско.[7]
Во 1926 г. со синовите Јаким, Томо и Теодосиј ја преживописале припратата на лазарополската црква „Св. Ѓорѓи“, за што говори натписот над јужната влезна врата во нартексот: „За успомен и за здравље обновио ових упореду три малих кубета, својим прилогом! Стефан Симоновић Жупчески са породицом. Живописац Коста Николић са синовима Јаћим Томо и Тодосија. Из Лазаропоља, 10 фебр. 1926 г.“[8]
Во 1927 г. заедно со синовите Јаким и Теодосиј ги обновиле фреските во црквата „Св. Никола“ во мариовска Градешница, сликајќи ги горните подрачја на страничните кораби и средишниот кораб.[9]
Родословие
Дуле | |||||||||||||||||||||||||||||||||||||||||||||||||||||||||||||||||||||||||
Никола Дулев | |||||||||||||||||||||||||||||||||||||||||||||||||||||||||||||||||||||||||
Крсте Николов (1839 - 1938) | Константин Николов | ||||||||||||||||||||||||||||||||||||||||||||||||||||||||||||||||||||||||
Русалим Крстев | Рафаил Крстев | Томо Константинов | Јаким Константинов | Теодосиј Константинов | |||||||||||||||||||||||||||||||||||||||||||||||||||||||||||||||||||||
Владимир Рафаилов | Крсте Рафаилов | ||||||||||||||||||||||||||||||||||||||||||||||||||||||||||||||||||||||||