Килски универзитет
Килски универзитет (германски: Christian-Albrechts-Universität zu Kiel) — универзитет во градот Кил, Германија. Бил основан во 1665 година како Академија Холсаторум Килониенсис (Academia Holsatorum Chiloniensis) од страна на Кристијан Албрехт, војвода на Холштајн-Готорп и денес има околу 24.000 студенти. Килскиот универзитет е најстар, најголем и најугледен универзитет во покраината Шлезвиг-Холштајн. До 1864/66 година не бил само најсеверниот универзитет во Германија, туку истовремено и втор најголем универзитет во Данска.
| Christian-Albrechts-Universität zu Kiel | |
 Печат на Килскиот универзитет | |
| латински: Academia Holsatorum Chiloniensis sive Christiana Albertina | |
| Гесло | Pax optima rerum |
|---|---|
На македонски | Мирот е најголемото добро |
| Вид | јавен |
| Основан | 1665 |
| Претседател | Герхард Фуке |
Административен кадар | 2.175 |
| Студенти | 24.108 |
| Место | Кил, Германија |
| Кампус | урбан |
| Бои | виолетова и бела |
| www.uni-kiel.de | |
Историја
Килскиот универзитет бил основан под името Кристијан Албертина на 5 октомври 1665 година од Кристијан Албрехт, војвода на Холштајн-Готорп. Граѓаните на градот Кил првично биле скептични околу претстојното доселување на студентите, мислејќи дека тоа би било „прилично неподносливо со нивната алчност, пиењето и нивното однесување“. Но, оние во градот кои ги сметале и економските предности на универзитет во градот победиле и така Кил станал најсеверен универзитет во германското Свето Римско Царство.
По 1773 година, кога Кил потпаднал под данска власт, универзитетот започнал да напредува, а кога Кил станал дел од Прусија во 1866 година, универзитетот нагло пораснал. Универзитетот ја отворил една од првите ботанички градини во Германија (сега Стара ботаничка градина Кил), а Мартин Гропиус проектирал многу од новите градби потребни за растечкиот број на студенти.
Академијата претставувала еден од првите германски универзитет кој го спровел „глајхшалтунг“ (усогласување) во 1933 година и се согласил да отстрани многу професори и студенти од школата, на пример Фердинанд Тенис или Феликс Јакоби. Во текот на Втората светска војна, Килскиот универзитет доживеал тешки оштетувања, а подоцна изграден на различно место со само неколку од старите градби, во кои е сместен медицинскиот факултет.
Факултет
- Факултет за теологија
- Факултет за право
- Факултет за бизнис, економија и општествени науки
- Факултет за медицина
- Факултет за уметност
- Факултет за математика и природни науки
- Факултет за земјоделски науки и исхрана
- Факултет за инженерство
Познати луѓе
Завршиле тука
- Франц Боас (1858–1942) — антрополог
- Герхард Домаг — бактериолог, нобелов лауреат
- Герхард Штолтенберг — политичар
- Пер Штајнбрик — политичар
- Ерих Валтер Штернберг — композитор
Наставен кадар
|
|
|
Нобелови добитници
Постојат неколку добитници на Нобелова награда поврзани со Килскиот универзитет:
- 1902 Теодор Момзен (книжевност)
- 1905 Филип Ленард (физика)
- 1918 Макс Планк (физика)
- 1922 Ото Мајерхоф (медицина)
- 1950 Курт Алдер и Ото Дилс (хемија)
Наводи
Надворешни врски
Килски универзитет на Ризницата ?- Официјална страница
- Меѓународни односи на универзитетот Архивирано на 14 мај 2017 г.
- Студентски сојуз на Килскиот универзитет (германски)
