Ентони Блинкен

Ентони Блинкен е роден на 16 април 1962 година, во Јонкерс, Њујорк, во еврејско семејство. Татко му, Доналд М. Блинкен, во периодот 1994-1997 година бил амбасадор на САД во Унгарија.^[2][3][4] Неговите баба и дедо по мајка биле унгарски Евреи.^[5] Вујкото на Блинкен, Алан Блинкен, бил американски амбасадор во Белгија .^[6][7]

Во периодот 1980-1984 година студирал на Универзитетот Харвард,^[8] каде што дипломирал општествени науки и бил ко-уредник на неделното студентско списание Харвард Кримсон.^[2][9][10] Во 1988 година ја одбранил својата докторска теза на Правниот факултет на Универзитетот Колумбија.^[11][12] По дипломирањето, работел како адвокат во Њујорк и Париз.^[13] Блинкен работел со неговиот татко, Доналд, за собирање средства за Мајкл Дукакис, кандидатот на Демократската партија на претседателските избори во САД во 1988 година.^[2]

Блинкен имаше високи позиции во надворешната политика во две администрации во текот на две децении.^[2] За време на администрацијата на Бил Клинтон, тој бил службеник во Стејт департментот и на високи позиции во Советот за национална безбедност од 1994 до 2001 година.^[14] Од 1994 до 1998 година, Блинкен бил специјален асистент на претседателот и виш директор за стратешко планирање и виш директор на NSC за пишување говор.^[15] Од 1999 до 2001 година бил специјален помошник на претседателот и виш директор за европски и канадски прашања.^[16]

Блинкен ја поддржал инвазијата на Ирак предводена од САД во 2003 година.^[17][18] Во 2002 година, бил назначен за директор на Сенатот за надворешни односи, позиција на која останал до 2008 година.^[14] Блинкен му помогнал на тогашниот сенатор Џо Бајден, во формулирањето на поддршката на Бајден за американската инвазија на Ирак.^[19]

Исто така, бил виш соработник во Центарот за стратешки и меѓународни студии. Во 2008 година, Блинкен работел на претседателската кампања на Џо Бајден,^[2] и бил член на преодниот тим Обама-Бајден.^[20]

Од 2009 до 2013 година, Блинкен бил заменик-помошник на претседателот и советник за национална безбедност на потпретседателот. На оваа позиција тој помогнал во креирањето на американската политика за Авганистан, Пакистан и јадрената програма на Иран.^[21][22] На 20 јануари 2013 година, Блинкен положил заклетва како заменик советник за национална безбедност.^[23]

На 7 ноември 2014 година, претседателот Обама објавил дека ќе го именува Блинкен за заменик-секретар.^[24] На 16 декември 2014 година, Сенатот го изгласал Блинкен за заменик државен секретар.^[25]

Блинкен бил влијателен во формулирањето на одговорот на администрацијата на Обама за анексијата на Крим од страна на Руската Федерација по украинската револуција од 2014 година.^[26][27]

Блинкен ја поддржал воената интервенција во Либија во 2011 година ^[28] и снабдувањето со оружје за сириските бунтовници.^[29] Тој го осудил обидот за државен удар во Турција во 2016 година и изразил поддршка за демократски избраната турска влада и нејзините институции, но исто така ги критикувал чистките во Турција.^[30] Во април 2015 година, Блинкен изразил поддршка за интервенцијата предводена од Саудиска Арабија во Јемен.^[31]

Блинкен работел со Бајден на барањата со американски пари да се надополни израелскиот арсенал на ракети пресретнувачи Железна купола за време на конфликтот Израел-Газа во 2014 година.^[32] Во мај 2015 година, Блинкен го критикувал прогонот на муслиманите во Мјанмар и ги предупредил лидерите на Мјанмар за опасностите од антимуслиманското законодавство,^[33] велејќи дека муслиманите Рохинги „треба да имаат пат до државјанство. Неизвесноста предизвикана од немањето статус е една од работите што може да ги натера луѓето да си заминат.“ ^[34]

Во јуни 2015 година, Блинкен тврдел дека преку десет илјади борци на ИСИЛ биле убиени во воздушните напади предводени од Америка против Исламската држава откако коалицијата предводена од САД започнала кампања девет месеци пред тоа.^[35]

Блинкен бил советник за надворешна политика во претседателската кампања на Бајден во 2020 година.^[36] На 22 ноември 2020 година, Bloomberg News објавил дека Бајден го избрал Блинкен за свој кандидат за државен секретар.^[37] Овие извештаи подоцна биле потврдени од Њујорк Тајмс и други медиуми.^[37][38][39]

На 26 јануари, Сенатот го изгласал Блинкен за државен секретар со 78 гласови за и 22 против.^[1] Истиот ден Блинкен положил заклетва за државен секретар.^[40] Притоа, тој станал третиот поранешен заменик државен секретар кој ја извршува и функцијата државен секретар, по Лоренс Иглбургер и Ворен Кристофер во 1992 и 1993 година, соодветно.^[41][42]

• Надворешна политика на Мајк Помпео
• Надворешна политика на Џон Кери
• Надворешна политика на Хилари Клинтон

• Биографија во Стејт департментот на САД
• Биографија во Стејт департментот на Соединетите Американски Држави (2009–2017 година, архивирана)
• Сослушување за потврдување на американскиот државен секретар од Комитетот за надворешни односи на Сенатот (19 јануари 2021 година)
• Архивирано на 20 јануари 2021 г. од WestExec Advisors
• Гостувања на C-SPAN </img>
• Ентони Блинкен на Твитер </img>