Единичен квадрат

Во Декартовиот координатен систем со координати (x,y), единичниот квадрат е дефиниран како квадрат кој се состои од сите точки (x,y) за кои важи дека x и y лежат во единичниот интервал меѓу 0 и 1.

Дали единичниот интервал е отворен или затворен, или од која страна е затворен, ќе зависи од конкретната ситуација. Сепак, под единичен интервал најчесто се подразбира затворениот интервал [0,1]. Единичниот квадрат е квадрат чии страни се еднакви на 1.

Во комплексната рамнина ќе важат истите забелешки ако се земе предвид дека комплексните броеви можат да се сметаат како подредени двојки од реални броеви. Во случај кога за единичен интервал го сметаме затворениот интервал [0,1], тогаш единичниот квадрат во комплексната рамнина ги содржи точките: ${\displaystyle z_{1}=0\,,z_{2}=1\,,z_{3}=1+i\,,z_{4}=i}$ .

Меѓународниот систем на мерни единици (SI), единичниот квадрат означува еден квадратен метар (1 м²).

• Единичен интервал
• Единична кружница
• Единична сфера
• Единична коцка

• Единичен квадрат - MathWorld (англиски)