Дилан О’Брајен

О'Брајен е роден во Њујорк, син на Лиза (моминско презиме: Родос), поранешна глумица која исто така има завршено глумечко училиште и Патрик О'Брајен, оператор на камера.^[1][2] Тој израснал во Спрингфилд Тоуншип, Њу Џерси, сè до дванаесет годишна возраст, кога тој и неговото семејство се преселиле во Хермоса Бич, Калифорнија.^[3][4][5] Неговиот татко има ирско потекло, а неговата мајка италијанско, англиско и шпанско потекло.^[6] По завршување на средното училиште Мира Коста во 2009 година, тој размислувал да се занимава со спортско емитување и евентуално да работи за Њујорк Метс.^[7] На 14 годишна возраст, О'Брајен започнал со објавување на оригинални видеа на неговиот Јутјуб канал. Со развојот на видеата, локален продуцент и директор му понудил работа на интернет серии, за време на неговата четврта година од средно училиште. Тој планирал да се запише на Универзитетот Сиракуза^[8] за спортски коментатор, но одлучил да ја продолжи глумечката кариера.^[9]

Пред почетокот на неговата глумечка кариера, О'Брајен продуцирал, режирал и глумел во голем број на комични кратки филмови кои тој ги објавувал преку својот личен Јутјуб канал.^[10] Тој, исто така бил тапанар на рок групата „Бавни деца во игра“.^[11]

Тој поминал неколку аудиции пред да добие една од главните улоги во МТВ серијата Тинејџерски волк, серија заснована на истоимениот филм во 1985 година. Тој требало да ја глуми улогата на Скот, но по читање на сценариото, О'Брајен сакал да оди на аудиција за улогата на Стајлс.^[12] По четири аудиции тој ја добил улогата. Во 2010 година, тој започнал со улогата на Стајлс во серијата.^[13]

Во 2011 година, О'Брајен бил претставен на публиката во сосема импровизиран, независен комичен филм Висок пат, во режија на Исправена граѓанска бригада.

Следната година, тој добил улога заедно со Брит Робертсон во романтичната комедија Првпат, во режија на Џон Касдан. Премиерата на филмот се одвивала во конкуренција во 2012 на  филмскиот фестивал Санденс, и бил објавен подоцна истата година.

Во средината на 2013, О'Брајен глумел во комедијата на Шон Леви Приправници, со Винс Вон и Овен Вилсон.

Снимањето на продолжението на филмот за Лавиринт тркач , Лавиринт тркач: Горат испитувања, почнало ккон крајот на октомври 2014 година во Ново Мексико, а филмот бил објавен на 18 септември 2015 година.^[14]

Во март 2016 година, О'Брајен бил повреден за време на снимањето на сцена за Лавиринт тркач: Смртта се излечи. О'Брајен бил подигнат на врвот на возило што се движи, кога неочекувано, друго возило го удрило. Неговите повреди, кои вклучувале „потрес на мозокот, скршеници на лицето и длабоки исеченици“, биле значителни, но не опасни по живот.^[15] Во април 2016 година, било утврдено дека повредите биле сериозни и дека ќе му треба повеќе време да се опорави.^[16] По неколку месеци опоравување, О'Брајен започнал со снимање други проекти и ги презакажал датумите за снимањето за последните епизоди во серијата Лавиринт тркач. Во август 2016 година целосно се опоравил.^[17] Истата година, тој добил улога со Марк Волберг во трилерот Пекол на хоризонтот.

По некое време после неговото опоравување од повредата и презакажувањето на снимањето, Твенти сенчри фокс во март 2017 го објавиле почетниот датум за Смртта се излечи. Премиерата на филмот била на 26 јануари, 2018 година.^[18][19] Сите три филма се пласираа на првото место во Северна Америка уште на премиерата.^[20][21][22]

Во мај 2018, О'Брајен играл во мистериозниот трилер на Кристофер МакБрајд Образованито на Фредрик Фитцел,^[23] и трилерот на Гери Олдман, Бају.^[24]

Во 2019, тој гостувал во комичната серија на Јордан Пил, Чуден град.^[25]

О'Брајен е во врска со глумицата Брит Робертсон, со која се запознал во 2011 година, за време на снимањето на филмот Првпат.^[26][27][28]