Демостен
Демостен (стр.грчки: Δημοσθένης; 384 г.пр.не-332 г. пр.не) e најславниот говорник и државник во Стара Атина.
| Демостен | |
|---|---|
 | |
| Роден(а) | 384 BC Атина |
| Починал(а) | 322 BC Островот Калаурија (денес Порос) |
Животопис
Демостен учествувал во Битката кај Херонеја, во 338 година п.н.е. Во своето дело, „Пофалба на глупоста“, Еразмо Ротердамски вели дека Демостен бил слаб војник и дека, по советот на Архилох, побегнал од битката штом го здогледал непријателот.[1] Исто така, големиот говорник Есхин го обвинил Демостен дека не го заслужил златниот венец што го добил по Битката кај Херонеја, зашто побегнал од битката.[2]
Говори
Демостен бил лотограф, писател на говори. Притоа, неговиот стил се одликувал со голема сила, едноставност и концизност.[3]
Еден од неговите најпрочуени говори е Третиот говор (Филипики) против Филип Втори Македонски во кој ја искажува големата омраза кон власта на Филип Втори Македонски и продорот на македонската војска во хеленските колонии во рамките на Македонското Кралство.[4] Во „филипиките“, Демостен зборува дека Филип утврдувал градови во областа Линкестида. Тој вели дека „Филип не е ниту Хелен, ниту има нешто со Хелените, не е ниту варварин, туку е од чумата македонска, од која човек ни роб не би купил“.[5]
На статуа, подигната во Атина во негова чест, е испишан натиписот: „Да беше твојата сила Демостене еднаква на твојата мудра цел, никогаш Грците не ќе беа управувани од македонскиот јарец.“ Статуата била изработена од бронза од страна на Полиектус, а била подигната во 280-279 г.п.е., по предлог на Демокарес, внук на Демостен.[6]
