Демографија на Грузија

Од стекнувањето на независноста наваму, фемографската состојба во Грузија, како и кај другите поранешни советски републики (особено Естонија и Латвија) се одликува со намалување на населението и значаен пораст на застапеноста на грузиската националност. Помеѓу 1989 и 2002 г. бројот на етнички Грузијци се зголемил за цели 10 процентни бодови — од 73,7% на 83,7% од населението.^[1]

Во советскиот период и во првите години на независноста, бројот на населението постепено се зголемувал, искачувајќи се од под 4 милиони во 1950-тите до 5,5 милиони во 1992 г..^[2] По ова, бројноста почнала да опаѓа, намалувајќи се на 4,5 милиони во 2005 г.^[3] Тука се вброени и сепаратистичките области Абхазија и Јужна Осетија, чие население во истата година е проценето на 178.000 односно 49.200. Без нив, населението на сите територии под грузиска власт во 2005 г. изнесувало 4.321.500, а во 2008 г. се накачило на 4.382.100 жители^[4].

Грузија важи за една од земјите со највеќе иселувања во светот согласно извештајот на Светската банка од 2007 г. На пописот во 2002 г. е утврдена загуба на 1,1 милиони жители, или 20% од населението во споредба со почетокот на 1990-тите.^[5] Ова се должи на потрегата по работа и опаѓањето на родноста.^[6] Од стекнувањето на независноста до денес, од Грузија се иселиле 300.000 Руси, 200.000 Грузијци, 200.000 Ерменци, 85.000 Грци, 50.000 Азери, 50.000 Украинци и 20.000 Евреи.

¹Податоците за родени и починати до 1959 г. се проценки.

Извор:^[7][8]

Најброен народ во земјата се Грузијците, со 84% од населението (2002). Соодносот во 2002 г. бил многу повисок од претходно, бидејќи најголемиот дел од Абхазија и половина Јужна Осетија не биле под власта на грузиската држава и затоа не се вброени. Поради ова, застапеноста на Осетите и Абхазите на пописот била многу мала (0,9% односно 0,1%).

грузиски 71% (службен), азерски 6,5%, ерменски 5,7%, останати 4,0% (во кои руски, апхаски и осетски),

Напомена: апхаскиот е службен јазик во делумно признаената држава Абхазија.

Грузиска православна црква 82,1%, ислам 9,9%, Ерменска апостолска црква 5,7%, Католицизам 0,8%, Јудаизам 0,1%, останати 1,4% (2002)^[9]

Следниве статистички податоци се преземени од Светската книга на факти на ЦИА^[10]

Старосен состав: :

• 0–14 г.: 16.9%▼ (машки 401,3/женски 359,8)
• 15–64 г.: 69.4%▲ (машки 1.509,8/женски 1.610,8)
• 65 и повеќе год.: 13.7%▼ (машки 232,7/женски 383,2) (2012)

Средна возраст:

• вкупна: 39,1 г.
• машки: 36,6 г.
• женски: 41,6 г. (проц. за 2011 г.)

Прираст на населението:

• -0,327% (проц. за 2012 г.)

Полов сооднос:

• новороденчиња: 1,11 машки/женски
• под 15 г.: 1,15 машки/женски
• 15–64 г.: 0,94 машки/женски
• 65 и повеќе год.: 0,66 машки/женски
• вкупно население: 0,91 машки/женски (проц. за 2012 г.)

Смртност кај новороденчињата:

• вкупно: 14,68 случаи/1.000 живородени
• машки: 16,58 случаи/1.000 живородени
• женски: 12,59 случаи/1.000 живородени (проц. за 2012 г.)

Животен век:

• вкупно население: 74,5 г.
• машки: 70,2 г.
• женски: 78,6 г. (проц. за 2012 г.)

Вкупна плодност: 1,71 деца/жена (проц. за 2012 г.)

ХИВ/СИДА

• застапеност кај возрасните: lпомалку од 0,1% (проц. за 2007 г.)
• заболени од ХИВ/СИДА: 2,700 (проц. за 2007 г.)
• смртни случаи: помалку од 200 (проц. за 2003 г.)

Писменост: (над 15 г. возраст)

• вкупно население: 100%
• машки: 100%
• женски: 100% (проц. за 2004 г.)

Извор: Статистика Грузија: Население по региони

• Географија на Грузија

• Zhvania, Irakli: "Housing in Georgia" in the Caucasus Analytical Digest No. 23