Горка Вердуго

Горка Вердуго
	Вердуго на Тур де Франс 2007
Лични податоци
Цело име	Горка Вердуго Маркотегуи
Роден	4 ноември 1978 (45 г.); Ечари-Аранац, Навара, Шпанија
Висина	1,81 м
Маса	69 кг
Податоци за клубот
Дисциплина	друмски велосипедизам
Улога	возач
Вид на возач	специјалист за искачување
Професионални клубови
2004–2013	Еускалтел-Еускади
	Последна промена; 1 јануари 2015

Горка Вердуго Маркотегуи (шпански: Gorka Verdugo Markotegui; р. 4 ноември 1978 во Ечари-Аранац, Навара) — шпански професионален друмски велосипедист, кој последно возел за UCI World Tour екипата Еускалтел-Еускади.^[1]

Тој нема освоена ниедна трка, но го направил неговото деби на Џиро д’Италија во 2005 (86.) и го имал првиот настап на Тур де Франс во 2006 (75.). Негов највисок пласман на Тур де Франс бил во 2010 (36.), меѓутоа и покрај тоа што успеал 6 пати да ја заврши трката, никако не успеал да биде во првите десет на некоја етапа. Сметан како лојален член на екипата, негов најдобар личен резултат бил на етапата 16 на Тур де Франс 2007, кога со бегството успеал да добие доволно бодови во планинскиот пласман да заврши 11. на крај во Париз. Завршил 11. во генералниот пласман на Вуелта а Еспања 2012, забележувајќи го најдобриот пласман на Гранд Тур трка.

Достигнувања

2006: 10. Краен пласман Класика а Алкобендас
2008: 5. Краен пласман Волта а ла Комунитат Валенсија; 7. Краен пласман Париз-Ница; 10. Краен пласман Волта а Каталуња; 10. Субида а Уркиола
2009: 8. Класика Примавера
2012: 3. Гран Пиемонт; 11. Краен пласман Вуелта а Еспања
2013: 7. Пруеба Вилјафранка де Ордизија