Војводства во Полска
Војводството (полски: województwo) е крупна административна единица на Полска уште од XIV век, па до денес.
![](http://upload.wikimedia.org/wikipedia/commons/thumb/6/69/%D0%92%D0%BE%D1%98%D0%B2%D0%BE%D0%B4%D1%81%D1%82%D0%B2%D0%B0_%D0%B2%D0%BE_%D0%9F%D0%BE%D0%BB%D1%81%D0%BA%D0%B0.svg/300px-%D0%92%D0%BE%D1%98%D0%B2%D0%BE%D0%B4%D1%81%D1%82%D0%B2%D0%B0_%D0%B2%D0%BE_%D0%9F%D0%BE%D0%BB%D1%81%D0%BA%D0%B0.svg.png)
Постојат 16 војдовства, воведени со реформите на локалната самоуправа (1999), заменувајќи ги дотогашните 49 војводства од 1975 г.
Денешните војводства се претежно наречени по историско-географските области, а оние до 1998 г. ги носеле имињата на нивните административни центри. По површина се движат од 10.000 км2 (Ополско Војводство) до над 35.000 км2 (Мазовско Војводство), а по население, од милион (Лубушко Војводство) до преку пет милиони (Мазовско Војводство).
Административните надлежности управник назначен од владата — војвода
(wojewoda), обласно собрание (sejmik) и извршни власти избрани во собрание. На чело на извршната власт стои маршалек marszałek. Војводствата понатаму се делат на окрузи (повјати) и општини (гмини).
Надлежности
Надлежностите на војводствата се поделени помѓу војводата, обласното собрание и извршната власт. Во сите случаи освен два, сите служби и установите се наоѓаат во административниот центар.
Војводата го назначува премиерот како обласен претставник на централната влада и началствува со државните установи во војводството (на пр. противпожарна служба, пасошки одделенија, инспекторати и сл), раководи со државната сопственост во областа и раководи со работата на локалната управа и јавната проблематика, но има и посебни овластувања во случај на вонредна состојба.
Обласното собрание се бира на секои четири години, на истите локални избори каде се бира управата во окрузите и општина|општините. Носи подзаконски акти, вклучувајќи го буџетот и стратегијата за развој на војводството. Ова тело го избира маршалекот и другите членови на извршната власт, кои пак одговараат пред него.
Извршниот огранок (zarząd) е задолжен за изготвување на буџет и развојни стратегии, спроведување на донесеното во обласното собрание, раководење со средствата на војводството и рази други аспекти од обласната политика како управувањето со средствата од ЕУ.
Список на војводства
Кратенка | Грб | Код | Рег. таб. | Војводство | Админ. центар | Површина (км2) | Население (2003) | Население (2004) |
---|---|---|---|---|---|---|---|---|
WM | ![]() | 28 | N | Варминско-мазурско (warmińsko-mazurskie) | Олштин | 24 202,95 | 1 428 885 | 1 428 385 |
WP | ![]() | 30 | P | Големополско (wielkopolskie) | Познањ | 29 825,59 | 3 359 932 | 3 362 011 |
DS | ![]() | 02 | D | Долношлеско (dolnośląskie) | Вроцлав | 19 947,76 | 2 898 313 | 2 895 729 |
ZP | ![]() | 32 | Z | Западнопоморско (zachodniopomorskie) | Шчеќин | 22 901,48 | 1 696 073 | 1 695 708 |
KP | ![]() | 04 | C | Кујавско-поморско (kujawsko-pomorskie) | Бидгошч¹ Торуњ² | 17 969,72 | 2 068 142 | 2 067 548 |
LD | ![]() | 10 | E | Лоѓско (łódzkie) | Лоѓ | 18 219,11 | 2 597 094 | 2 592 568 |
LU | ![]() | 06 | L | Лублинско (lubelskie) | Лублин | 25 114,48 | 2 191 172 | 2 187 918 |
LB | ![]() | 08 | F | Лубушко (lubuskie) | Гожув Вјелкополски¹ Желона Гура² | 13 984,44 | 1 008 786 | 1 009 177 |
MA | ![]() | 14 | W | Мазовско (mazowieckie) | Варшава | 35 597,80 | 5 135 732 | 5 139 545 |
MP | ![]() | 12 | K | Малополско (małopolskie) | Краков | 15 144,10 | 3 252 949 | 3 256 171 |
OP | ![]() | 16 | O | Ополско (opolskie) | Ополе | 9 412,47 | 1 055 667 | 1 053 723 |
PD | ![]() | 20 | B | Подласко (podlaskie) | Бјалисток | 20 179,58 | 1 205 117 | 1 204 036 |
PM | ![]() | 22 | G | Поморско (pomorskie) | Гдањск | 18 292,88 | 2 188 918 | 2 192 404 |
PK | ![]() | 18 | R | Поткарпатско (podkarpackie) | Жешув | 17 926,28 | 2 097 248 | 2 097 325 |
SW | ![]() | 26 | T | Светокришко (świętokrzyskie) | Келце | 11 672,34 | 1 291 598 | 1 290 176 |
SL | ![]() | 24 | S | Шлеско (śląskie) | Катовице | 12 294,04 | 4 714 982 | 4 707 825 |
(¹) седиште на војводата
(²) седиште на собранието и маршалот
Поврзано
- Географија на Полска
- Демографија на Полска
- Административна поделба на Полска
- ISO 3166-2:PL
Наводи
- „Полска“, Енциклопедија „Британика“, XV изд, 2010, Macropaedia, Том 25, стр. 937.
- „Полска“, Енциклопедија „Колумбија“, VI изд, уред. Пол Лагасе, Columbia University Press, 2000, стр. 2256.
- „Полска“, Светска книга на факти на ЦИА 2010, Њујорк, Skyhorse Publishing, Inc., 2009, ISBN 9781602397279, стр. 546.
Надворешни врски
- Региони во Полска Архивирано на 26 јули 2010 г.
- Топонимски прирачник за картографи и други корисници Архивирано на 24 ноември 2019 г. — Управа за геодезија и картографија 2002
- Полска: Административна поделба Архивирано на 18 август 2019 г. — „Светска книга на факти“ (англиски)