Ведран Ќорлука

Ведран Ќорлука ((хрватски: Vedran Ćorluka); р. 5 февруари 1986, во Дервента) — хрватски поранешен фудбалер, играч од одбраната.^[1] Најчесто настапувал како централен-дефанзивец, иако тој има играно и на други места низ дефанзивна линија, особено како денес бек. Моментално е асистент на селекторот на хрватската репрезентација, Златко Далиќ.

Ведран Ќорлука
Лични податоци
Полно име	Ведран Ќорлука
Роден на	5 февруари 1986(1986-02-05) (38 г.)
Роден во	Дервента, СФР Југославија
Држава	Хрватска
Висина	&100000000000001920000001,92 м
Играчки податоци
Позиција	Одбрана
Сегашен клуб	Хрватска (асистент)
Повлекување	1 јули 2021 (35 г.)
Младинска кариера
	Динамо Загреб
Кариера*
Години	Клуб	Наст.†	(Гол.)†
2003–2007	Динамо Загреб	61	(7)
2004–2005	→ Интер Запрешич	27	(4)
2007–2008	Манчестер Сити	38	(1)
2008–2012	Тотенхем	81	(1)
2012	→ Бајер Леверкузен	7	(0)
2012–2021	Локомотив Москва	200	(7)
Репрезентација ‡
2002	Хрватска 16	7	(2)
2002–2003	Хрватска 17	11	(2)
2003	Хрватска 18	3	(0)
2004–2005	Хрватска 19	12	(4)
2005–2006	Хрватска 21	9	(0)
2006–2018	Хрватска	103	(4)
Сениорските учества и голови се сметаат само за домашни натпревари податоците се од 22 април 2017. † Учества (Голови). ‡ Учествата и головите за репрезентација се според податок од 12 ноември 2016

Ќорлука ја поминал младинската академија на Динамо Загреб, пред да го направи своето професионално деби за сениорскиот тим во 2003 година. Во 2007 година, за 8 милиони фунти се преселил во Манчестер Сити со кој настапувал во Премиер лигата, а една сезона подоцна направил трансфер во екипата на Тотенхем Хотспар, каде веќе настапувал неговиот сонародник Лука Модриќ. Тој поминал четири сезони на Вајт Харт Лејн, пред да се приклучи на Локомотив од Москва. Во овој клуб останал до 2021 година, кога ја завршил својата кариера.

На репрезентативно ниво, Ќорлука ја претставувал Хрватска во разни младински нивоа, пред да го направи своето сениорско деби во август 2006 година, во пријателски натпревар против тогашниот Светски првак, Италија. Од тогаш, тој ја претставувал Хрватска на Европските првенства во 2008, 2012 и 2016 година, како и на Светските првенства во 2014 и 2018 година, освојувајќи сребрен медал на последното, а по него и ја завршил репрезентативната кариера со 103 настапи и 4 гола.