Андрогинија

Терминот потекнува од латинскиот: androgynus, добиен од старогрчкиот: ἀνδρόγυνος, од ἀνδρ- (andr-, што значи маж) и γυνή (gyné, што значи жена).^[1]

Андрогинијата и хомосексуалноста се споменуваат во симпозиумот на Платон во мит кој Аристофан го раскажува на публиката.^[3] Според митот луѓето биле сферични суштества, со две тела поврзани заедно. Имало три пола: маж-маж лица кои потекнувале од сонцето, жена-жена луѓето кои потекнувале од земјата, и маж-жена луѓето кои потекнувале од Месечината. Ова последно спарување претставува андрогина двојка. Овие сферни луѓе се обиделе да ја преземат моќта од боговите и не успеале. Зевс потоа одлучи да ги подели на половина и Аполо ги сошил оставајќи го папокот како потсетник да не им се повторно пркосат на боговите. Ако се случи тоа, тој повторно ќе ги подели на два да потскокнуваат околу на една нога. Ова е еден од првите напишани документи за андрогинијата.

Според Сандра Бем, андрогините мажи и жени се повеќе флексибилни и ментално здрави.^[4] Поновите истражувања не ја целосно потврдуваат оваа идеја, а и Бем самата најде слабости во својата оригинална пионерска работа.

Андрогини одлики се оние кои или немаат полова вредност или имаат некои аспекти кои генерално се припишуваат на спротивниот пол.^[5] Да се ​​каже дека некоја култура или врска е андрогина е да се каже дека во неа нема крути полови улоги и дека луѓето кои се вклучени покажуваат одлики или се причестуваат во активности традиционално поврзани со другиот пол. Терминот "андрогин" често се користи за лице чиј изглед или градба го прави одредувањето на полот тешко, но генерално не се користи за да се опишат вистински интерполови луѓе.

• „Андрогин“ (Androgynous) - песна на американската рок-група „Риплејсментс“ (The Replacements) од 1984 година.^[6]
• „Андрогин ум“ (Androgynous Mind) - песна на американската рок-група „Соник Јут“ (Sonic Youth) од 1994 година.^[7]