АКЕ инхибитор
Инхибитори на ангиотензинскопретворачки ензим (АКЕ инхибитори) се класа на лекови кои примарно се користат во третманот на висок крвен притисок и срцева слабост.[1][2] Тие делуваат преку релаксација на крвните садови како и преку намалување на крвниот волумен, што доведува до намалување на крвниот притисок и намалена побарувачка на кислород од срцето.
| Инхибитор на ангиотензинскопретворачки ензим | |
|---|---|
| Класа на лек | |
 Каптоприл, првиот синтетски АКЕ инхибитор | |
| Употреба | Хипертензија |
| Биолошки таргет | ангиотензинскопретворачки ензим |
| ATC код | C09A |
| Надворешни врски | |
| MeSH | D000806 |
| AHFS/Drugs.com | Drug Classes |
| Consumer Reports | Best Buy Drugs |
| WebMD | medicinenet rxlist |
АКЕ инхибиторите вршат инхибиција на активноста на ангиотензинскопретворачкиот ензим, важна компонента на системот ренин–ангиотензин, кој учествува во претворањето на ангиотензин I во ангиотензин II,[3] и инхибиција на хидролизата на брадикинин.[1] Оттука, АКЕ инхибиторите го намалуваат формирањето на ангиотензин II, кој е вазоконстриктор, и го зголемуваат нивото на брадикинин, кој е пептиден вазодилататор.[1][3] Оваа комбинација е синергистичка во намалувањето на крвниот притисок.[1][3]
Во оваа група на лекови спаѓаат: беназеприл, зофеноприл, периндоприл, трандолаприл, каптоприл, еналаприл, лизиноприл и рамиприл.