Џон ле Каре

Дејвид Џон Мур Корнвел (англиски: David John Moore Cornwell), (Пул, Дорсет, 19 октомври 1931 година - Труро, Корнвол, 12 декември 2020 година), професионално познат како Џон ле Каре (англиски: John le Carré), бил англиски романописец, сценарист, продуцент и повремен актер, автор на шпионски и криминалистички романи. За половина век од неговата писателска кариера, тој објавил 22 романи, кои биле преведени на 36 јазици.^[1][2] Многу од неговите романи биле користени во филмови и серии. Некои од нив се: Шпионот кој дојде со студот (1965), Руска куќа (1990), Панамскиот кројач (2001), Внимателниот градинар (2005), Крпар, кројачот, војник, шпион (2011 ), Ноќниот менаџер (2016).