Јане Петровски

Професионалната кариера ја започнал во 2003 година во Никол Ферт. Во 2004 година настапувал за Поло Трејд.^[1]

За сезоната 2008/09, потпишал за унгарски Шопрон.^[2] Таму не се задржал, и во септември 2008 година го напуштил клубот.^[3] Потоа, Петровски се преселил во украински Грифони.^[4] Сезоната 2009/10 ја започнал во Грифони,^[5] но на полусезоната се преселил во бугарски Рилски Спортист.^[6]

Во октомври 2011 година, Јане потпишал за Работнички.^[7][8]

Поради суспензијата на главниот тренер Марин Докузовски и помошникот тренер Марјан Србиновски,^[9][10] Петровски како капитен, формално бил и играч-тренер на екипата од ноември 2014 до февруари 2015г.,^[11][12] сè до истекувањето на суспензијата на Србиновски кој се вратил како главен тренер.^[13] Во 2015 година, со Работнички го освоил Купот на Македонија.^[14][15] Со истата екипа, тој стигнал до полуфиналето во Првенството 2014/2015.^[16][17] Во средината на ноември 2015 година, Јане Петровски го напуштил Работнички и потпишал за Фени Индустри.^[18][19][20] Петровски станал вицепрвак во Купот 2017 со Фени.За сезоната 2017/18, тој ја продолжил соработката со Фени.^[21] Следната сезона, Петровски останал во Фени.^[22] За сезоната 2019/20, Петровски останал како капитен во Еуро Никел 2005, новото име на клубот.^[23]

Јане Петровски исто така бил член на Македонската кошаркарска репрезентација од 2004 до 2009г.^[24]

• Профил на Јане Петровски на eurobasket.com