Parang Dunia I

Parang Dunia I (PD1) adolah sebuah parang global nan tapusek di Eropa nan bamulo sajak tanggal 28 Juli 1914 inggo 11 November 1918. Parang iko daulunyo disabauik Parang Dunia sajo atau Parang Gadang sajak tajadi sampai dimulainyo Parang Dunia II pado taun 1939. Baru batuka namo manjadi Parang Dunia Partamo atau Parang Dunia I salapeh itu. Parang iko malibaikkan sadoalah kakuatan gadang dunia,^[1] nan tabagi manjadi duo aliansi batantangan, yaitu Sakutu (manuruik Entente Tigo nan tadiri dari Britania Raya, Parancih, dan Rusia) jo Blok Sentral (tapusek pado Aliansi Tigo nan mulonyo tadiri dari Jerman, Austria-Hungaria, dan Italia).^[2] Kaduo aliansi iko malakukan reorganisasi (Italia manjadi di pihak Sakutu) sarato mampalaweh diri katiko banyak nagara turuik sarato dalam parang. Labiah dari 70 juta tantara militer, tamasuak 60 juta urang Eropa, talibaik dalam parang iko.^[3][4] Labiah dari 9 juta prajurik gugua, utamonyo dek kamajuan teknologi sinjato nan dareh maningkek di maso itu. Parang Dunia I disabauik sabagai konflik paliang mamatikan kaanam dalam sijarah dunia, sainggo mambukak jalan untuak baragam parubahan politik cando revolusi di babarapo nagara nan talibaik.^[5]