Papua Pegunungan
Papua Pegunungan adolah sabuah provinsi di Indonesia nan dimekarkan dari provinsi Papua pado sidang Paripurna DPR RI pado tanggal 30 Juni 2022.[2] Ibukotanyo barado di Kota Wamena basamo jo pusek pamarintahan Kabupaten Jayawijaya.[3] Papua Pegunungan dimekarkan dari provinsi Papua basamo duo provinsi lainnyo yakni Papua Selatan jo Papua Tengah pado 30 Juni 2022 manuruik Undang-Undang Nomor 16 Tahun 2022.[4] Sabalunnyo namo usulan provinsi iko banamo Provinsi Papua Pegunungan Tengah. Papua Pegunungan adolah provinsi partamo dan satu-satunyo di Indonesia nan indak babatehan jo parairan lauik.[5]
| Papua Pegunungan | ||
|---|---|---|
Provinsi di Indonesia | ||
Puncak Trikora; Festival Budaya Lembah Baliem; Taman Wio Silio Wamena; Mambuek Noken; Bakar Batu (Barapen) di Baliem; Panorama di Palabuahan udaro Wamena | ||
| ||
| Nagara |  Indonesia | |
| Ari jadi | 25 Juli 2022 | |
| Ibu kota | Wamena | |
| Jumlah satuan pamarintahan | Daftar Kabupaten: 8 Kota: - Kecamatan: 252 Kelurahan: 10 Desa: 2.617 | |
| Laweh | ||
| • Total | 53.392,67 km2 (20,615,03 sq mi) | |
| Panduduak (30 Juni 2022)[1] | ||
| • Total | 1.456.096 | |
| • Kapadatan | 27/km2 (70/sq mi) | |
| Demografi | ||
| • Agamo | Kristen 97,90% - Protestan 90,29% - Katolik 7,61% Islam 1,92% Kapicayoan 0,15% Lainnyo 0,03%[1] | |
| • Bahaso | Indonesia (resmi), Dani, Ketengban, Lani, Migani, Nduga, Ngalum, Nggem, Walak, Yali | |
| Kode area telepon | 0969 - Wamena | |
| ISO 3166 | ID-PA | |
| Plat kandaraan | PA | |
| Dasa hukum pandirian | UU No. 16 Tahun 2022 | |
| Rumah tradisional | Honai | |
| Sanjato tradisional | Kapak batu | |
_and_west_ridge_by_Christian_Stangl_flickr.jpg)
Provinsi Papua Pegunungan balokasi di Pagunuangan Jayawijaya bagian timur. Pagunuangan iko marupokan jajaran pagunuangan tatinggi di Indonesia jo puncak cando Puncak Mandala jo Puncak Trikora. Jayawijaya ado gletser abadi nan tarancam mancaia dek parubahan iklim. Provinsi iko tamasuak dalam wilayah adat La Pago jo baragam macam suku cando Dani, Lani, Yali, dan Nduga sarato wilayah adat Okmekmin nan diuni dek suku-suku di wilayah Kabupaten Pegunungan Bintang cando Arintap, Ketengban, Kimki, Lepki, Murop, Ngalum, dan Yetfa. Suku-suku tasabuik tingga di lambah nan diapik gunuang-gunuang tinggi, inyo mananam ubi jo bataranak kandiak. Salah satu lambahnyo adolah Lambah Baliem nan tanamo jo festival tradisionalnyo. Lambah Baliem juo marupokan lokasi Kota Wamena sabagai ibukota Provinsi.[6][7][8]
