Nazril Irham
Nazril Irham atau nan labiah dikana samo Ariel Peterpan atau Ariel Noah adolah vokalis grup band Noah. Majalah Rolling Stone Indonesia mamasuakan namo Ariel Noah dalam daftar 50 Panyanyi Indonesia Tabaik jo 100 Pancipta Lagu Indonesia Tabaik manuruik versi nyo.[1]Ariel Noah salain manyanyi, acok pulo manulih lagu dan manjadi model di banyak iklan Indonesia[2].
Ariel Noah | |
|---|---|
 Ariel Noah dalam konser Noah di Makassar, November 2022 | |
| Lahia | Nazril Irham 16 September 1981 Pangkalan Brandan, Sumatera Utara, Indonesia |
| Kabangsaan | Indonesia |
| Karojo | |
| Tinggi | 167 cm (5 ft 6 in) |
| Pasangan | Sarah Amalia (m. 2005–2008) |
| Anak | Alleia Anata |
| Signature | |
.svg) | |
Ariel Noah jo kawan-kawan mambantuak grup bamusik di Banduang tahun 2000 jo Andika, Indra, Lukman, Reza sarato Uki. Album kaduo Peterpan "Bintang di Sarugo" tahun 2004 manjadi salah ciek album nan paliang larih di Indonesia.[3] Peterpan mangubah namo jadi Noah salapeh Ariel Noah kalua dari panjaro tahun 2012 akibek video mesumnyo basamo Luna Maya dan ciek lai basamo Cut Tari.[4] Noah sukses juo jo album partamonyo "Seperti Seharusnya" tahun 2012 dan tajua labiah dari sajuta kapiang kopi.[5]
Darah Minang Ariel Noah
Banyak nan mangiro kalau Ariel Noah adolah urang Sunda namun tanyato Ariel Noah adolah asli urang Minang dari amak samoa abaknyo.[6] Ariel surang mangaku kalau inyo adalah urang Minang asal Pasaman.[7][8] Abak Ariel Noah banamo Nazmul Irphan sadangkan amaknyo iolah Darlina Darwis nan baasa dari Ranah Minang. Ariel Noah adolah anak bungsu dari tigo basudaro. Abaknyo karajo sabagai pagawai lapangan perusahaan minyak Partamina nan baasa dari Rao, Kabupaten Pasaman. Amaknyo ioalah urang Padang Kota.[9]
Sikolah Ariel Noah nan Bapindah-Pindah
Abaknyo nan bakarajo sabagai pagawai lapangan mambuek Ariel hiduik bapindah-pindah dari ciek lokasi ka lokasi laiin. Ariel Noah parnah tingga di Pangkala Bradan, Sumatera Utara agak bara bulan lalu pindah ka Aceh. Di Kota Langsa, Aceh ko Ariel Noah parnah mangicok bangku Taman Kanak-Kanak (TK) di TK Bungong Seulangga. Di kota ko Ariel Noah tingga di perumahan BTN Asamera salamo tujuah tahun sabalun manatok di Banduang.[10]
Di Banduang
Ariel Noah sajak SMP mulai manatok di Banduang sahinggo sacaro bahaso Ariel sangaik fasiah bahaso Sunda.[11] Dari siko lah bakaik Ariel manyanyi dan bamusik taasah sahinggo batamu jo kawan-kawan dan akhirnyo mambantuak band nan dikana jo namo Peterpan.[12] Namo Peterpan itu pambarian Andika di waruang ketek dakek Puncak dan tarinspirasi juo dari tokoh dan carito fiktif dengan namo sarupo.[13] Peterpan nan mulonyo nyanyi dari cafe ka cafe akhirnyo manjadi gadang dan otomatih juo maangkek namo Ariel Noah di balantika musiak tanah aia.[14]
Kahidupan Paribadi
Ariel Noah sampaik manikah samo Sarah Amalia tahun 2005 namun sayangnyo parnikahan itu baakhia dan hanyo batahan tigo tahun.[15] Dari parnikahan tasabuik, Ariel dan Sarah dikaruniai saurang anak padusi banamo Alleia Anata Irham pado 5 Juni 2005.[16] Hubungan rumah tanggo Ariel Noah indak bagitu banyak dapek sorotan medio karano Ariel Noah cukuik tatutuik untuak hal iko.[17]
Kontroversi
Pado bulan Juni 2010, Ariel Noah manuai kontroversi katiko video mesum dirinyo baedar di internet. Video mesum Ariel Noah jo Luna Maya hinggo video mesum Ariel Noah jo Cut Tari mahebohkan jagat maya jo urang-urang di tanah aia sahinggo manjadi buah bibia nan sangaik angek kala itu.[18] Tanggal 31 Januari 2011, Ariel Noah akhinyo divonih panjaro 3 tahun 6 bulan sarato dando 250 juta rupiah. Hakim manilai Ariel Noah basalah dalam hal iko sabaik manyimpan video itu dan tasebar oleh urang nan indak batanggung jawaik. Manuruik UU Hukum Pidana pasal 56 karano maagiah kasempatan urang manyebarkan video angek tu.[19] Samantaro Luna Mayo jo Cut Tari sabagai lawan main Ariel Noah di video mesum tu indak didakwa namun dihadiakan ka sidang sabagai saksi pantiang dalam pasidangan.[20]
Ariel Noah dibebasan pado 23 Juli 2012 satalah duo tahun dalam panjaro. Ariel Noah bebas karano bakalakuan elok salamo di dalam panjaro dan inyo bebas jo status basaraik. Salamo dalam status bebas basaraik tadi, Ariel Noah wajib lapor ka Bapas sabulan sakali sasuai aturan nan balaku. Suek bebas basaraik nan dipacik Ariel Noah langsuang nyo tarimo katiko datang ka Bapas Kelas I Banduang.Salamo pambebasan basaraik, Ariel Noah tacataik sabanyak 26 kali malapor ka Bapas Banduang dan sakali indak malapor karano ado konser di Sulawesi.[21]
