Imam
Imam (/ɪˈmɑːm/; bahaso Arab: إمام imām; jamak: أئمة aʼimmah) adolah istilah sabuah posisi pamimpin dalam Islam. Istilah ko biasonyo dipakai sabagai gala bagi pamimpin ibadah (salat) di musajik maupun dalam pimpinan komunitas Muslim tarutamo Islam Sunni. Pado konteks ko, imam dapek mamimpin palayanan dalam kagiatan ibadah dalam Islam, malayani sabagai pamimpin komunitas, jo maagiah nasihaik agamo.
Samantaro bagi Islam Syiah, imam punyo paran jo makna nan labiah tapusek tarutamo dalam konsep imamahnyo. Istilah ko baginyo, hanyo buliah dipakai bagi para ahlul bait (kaluarga nabi Muhammad).[1]
Sunni
Posisi imam dalam Sunni babeda jo nan dipakai dek Syiah, pabedaan utamo nan acok diabaikan dek urang di lua Islam. Pado istilah sahari-hari, imam dalam Islam Sunni bararti surang nan mamimpin salat wajib, bahkan di lokasi lua musajik. Khutbah jumaik biasonyo diagiah dek imam nan lah ditunjuak (marangkap katik). Sadoalah musajik punyo ciek imam untuak mamimpin salat bajamaah, walau kadang-kadang ditunjuak dari salah saurang dari jamaah sajo bukan urang nan lah batunjuak jo bagaji.
Posisi imam padusi masih kontroversi dalam Islam. Urang nan buliah ditunjuak manjadi imam, manuruik hadis, adolah urang nan lah punyo banyak pangatahuan tantang Quran jo Sunnah (hadis) sarato elok lakunyo.
Istilah Imam dipakai pulo untuak ilmuwan Islam atau alim ulama, biasonyo untuak ulama mazhab dalam ilmu fiqih. Buliah juo dipakai marujuak alim ulama dalam bidang hadis atau akidah.
Barikuik tabel alim ulama nan dianggap sabagi imam:
Fiqih | Aqidah | Ilmu Hadis |
Imam Abu Hanifa | Imam Ahmad ibn Hanbal (Atsari) | Imam Bukhari |
Imam Malik | Imam al-Asy'ari (Asy'ari) | Imam Abu Dawud |
Imam Shafi'i | Imam Abu Mansur al-Maturidi (Maturidi) | Imam Muslim |
Imam Ahmad ibn Hanbal | Wasil ibn Ata (Mu'tazilah) | Imam Ahmad ibn Hanbal |
Tokoh figur sentral dalam gerakan Islam disabuik juo Imam sarupo Imam Nabhawi di Suriah jo Ahmad Raza Khan di India jo Pakistan.
Posisi imam di Turki
Imam ditunjuak dek nagara untuak dipakarajokan di musajik-musajik. Inyo marupokan lulusan dari sakolah tinggi imam-khatib ataupun sarjana agamo. Hal ko diatua dek Dewan Urusan Agamo[2] Turki jo hanyo laki-laki nan buliah ditunjuak dalam posisi ko, sadangkan padusi dbuliah ditunjuak sabagai pandakwah atau guru Quran sajo. Mazhab nan dipakai dalam urusan ko iyolah mazhab Hanafi.
Syiah
Istilah Imam nan bakaitan jo kapemimpinan umaik partamo kali disandang dek Imam Ali, manuruik kayakinan Syi'ah. Ali adolah anak dari Abu Thalib, paktuonyo Rasulullah Muhammad SAW. Salanjuiknyo, imamah dipacik dek katurunannyo Ali co di bawah ko. Golongan nan mangimani 12 imam ko disabuik Syi'ah Itsna 'Asyariyah (Syiah Duo Baleh Imam)
- Hasan bin Ali
- Husain bin Ali
- Ali bin Husain
- Muhammad bin Ali
- Ja'far bin Muhammad
- Musa bin Ja'far
- Ali bin Musa
- Muhammad bin Ali
- Ali bin Muhammad
- Hasan bin Ali
- Muhammad bin Hasan
Galeri
Imam
- Seorang Imam sadang mambaco Quran sasudah Isya di Kakaisaran Mughal.
- Imam sadang maagiah ceramah di Kakaisaran Mughal.
- Imam Tatar Krimea mangaja Quran
- Imam mamipin salat, Afrika Utara
- Imam Shamil, Kaukasus
- Imam di Bosnia, 1906
- Imam Khomeini, pamimpin Revolusi Iran.
- Surang Imam di Omdurman, Sudan.
- Surang imam Ottoman di Istanbul.
- Imam militer Bosnia pado tantara Austria-Hungaria.
- Imam Thierno Ibrahima Thiello
- Imam Georgia dari Tbilisi.
- Tuanku Imam Bonjol
Mufti
- Mufti Basa Mirza Huseyn Qayibzade dari Tbilisi
- Mufti patualang dari Kasultanan Ottoman.
- Mufti, Jakub Szynkiewicz
- Mufti Basa Absattar Derbisali dari Kazakhstan
- Mufti Basa Ottoman
- Mufti Basa Ottoman
- Makam mufti di Indonesia
- Mufti Basa Talgat Tadzhuddin
- Mufti nan sadang maagiah ceramah.
Caliak pulo
Imam Mahdi